Əvvəl “Abşeron”, sonra “Bakı”, “Neftçi” isə gözləyir

17.05.2011 - 09:27

2010/2011-ci il mövsümündə əvəzedici heyətlər arasında Azərbaycan çempionu olan "Bakı" klubuna Peşəkar Futbol Liqası tərəfindən çempionluq kuboku təqdim olunacaq. Apasport.az saytının məlumatına görə, bir neçə tur əvvəl çempionluğunu təmin edən paytaxt təmsilçisinin mükafatı "Turan"la oyundan sonra veriləcək. Bu qarşılaşma klubun bazasında baş tutacaq.

Qeyd edək ki, mayın 15-də I divizionda baş tutan sonuncu tur zamanı aşağı dəstənin çempionu “Abşeron” da kubokuna qovuşmuşdu. Hər 2 çempionun mükafatını son oyunda aldığını nəzərə alsaq, Premyer Liqanın qalibi “Neftçi” də “Xəzər Lənkəran”la sabahkı prinsipial matçda kuboku gözləyə bilər.