“Neftçi” antifutbol oynadı, gümüş “Xəzər Lənkəran”ın oldu

18.05.2011 - 20:58

Bu gün Azərbaycan Premyer Liqasında son tura start verilib. Apasport.az saytının məlumatına görə, “İnter” “altılıq”da ilk qələbəsini həmşəhərliləri “Bakı” ilə səfər oyununda qazanıb. Bununla, final mərhələsində qalib gəlməyən komanda qalmadı.

Son çempion hesabına yazdığı 3 xalla turnir cədvəlində 4-cü pilləyə yüksəlsə də, bu sevinci uzun sürməyib. “Qarabağ” üzərində əzmkar qələbə qazanan AZAL 4-cü pilləni ələ keçirərək, avrokuboklara son vəsiqənin sahibi ilə bağlı sualın cavabını kubokunun finalına saxlayıb. “Təyyarəçilər”in bu qələbəsi həm də “Qarabağ”ın gümüş arzusunun üstündən xətt çəkib.

Turun bəzəyi olacağı gözlənilən “Neftçi” və “Xəzər Lənkəran” arasında “Böyük oyun” isə o qədər də maraqlı alınmayıb. Yalnız fasilədən sonra rəqiblər hərəyə 1 qol vursa da, matç elə belə bitib. Bakılılar ikinci hissənin böyük hissəni azlıqda oynasa da, müdafiə olunaraq mövsümdə son xalını qazana bilib. Bu isə 2-ci pillənin lənkəranlılarda qalmasına kifayət edib.

Qeyd edək ki, mövsümə sabah yekun vurulacaq.

18 may

“Bakı” – “İnter” - 0:1
QOL: Rövşən Əmiraslanov, 27
Hakimlər: Əliyar Ağayev, Vaqif Musayev, Mübariz Haşımov. Anar Salmanov
Bakı. Tofiq Bəhramov adına Respublika stadionu
Cari çempionatdakı oyunlar – 0:1, 1:2. 1:1

20:00. AZAL – “Qarabağ” - 3:1
QOLLAR: Mensur Limani, 42, Mirko Bunyevçeviç, 44, Enyo Krastovçev, 89 - George Adamiya, 14
Hakimlər: Fariz Yusifov, Ramiz Əsədov, Munis Abdullayev, Teymur Fərhadov
Bakı. Şüvəlan qəsəbəsindəki AZAL stadionu
Cari çempionatdakı oyunlar – 0:0, 2:0, 0:1

20:00. “Neftçi” – “Xəzər Lənkəran” - 1:1
QOLLAR: Cavid İmamverdiyev, 46 - Julius Vobay, 47
QIRMIZI VƏRƏQƏ: Rəşad Abdullayev, 52
Hakimlər: Ramil Diniyev, Azər Əsgərov, Yaşar Abbasov, Rəhim Həsənov
Bakı. Tofiq Bəhramov adına Respublika stadionu
Cari çempionatdakı oyunlar – 0:1, 0:0, 1:1

Turnir cədvəli

	Komanda	O	Q	H	M	Qollar	Xallar
1	Neftçi	32	19	10	3	53-17	67
2	Xəzər Lənkəran	32	16	12	4	38-18	60
3	Qarabağ	32	17	7	8	41-22	58
4	AZAL	32	13	10	9	36-28	49
5	İnter	32	13	10	9	29-24	49
6	Bakı	32	10	10	12	33-32	40

7	Qəbələ	31	12	12	7	29-17	48
8	Muğan	31	13	8	10	28-29	47
9	Gəncə	31	8	12	11	30-33	36
10	Turan	31	7	6	18	23-43	27
11	Simurq	31	3	7	21	16-49	16
12	MOİK	31	3	6	22	10-54	15