Azərbaycan Premyer Liqasının XXXII turunun “Bakı” və “İnter” arasında oyunu 2 yubileylə əlamətdar olacaq. Apasport.az saytının məlumatına görə, Tofiq Bəhramov adına Respublika stadionundakı paytaxt derbisi Azərbaycan milli komandasının 2 üzvü üçün xüsusi önəm kəsb edəcək.

Belə ki, “Bakı”nın futbolçusu Vaqif Cavadov və “İnter”in kapitanı Vladimir Levin ölkə çempionatlarında yubiley oyunlarına çıxacaqlar.

Milliləşən ukraynalı Premyer Liqada 150-ci qarşılaşmasına çıxacaq. Bu matçlarda 8 qol vuran Levin bütün oyunlarını “İnter”də keçirib. O, Azərbaycan çempionatında 150 oyun həddinə çatan 4-cü legioner olacaq.

100-cü dəfə meydana çıxacaq Vaqif isə buna 2 komandada nail olub. Ağdamın “Qarabağ” klubunda 77 oyuna 20 qol vuran hücumçu “Bakı”dakı 22 qarşılaşmada 4 dəfə fərqlənib.

• FIFA-dan La Liqa klubuna TRANSFER QADAĞASI
• “Qalatasaray”ın matçı bu kanalda - TV AFİŞA
• Sterlinqin yeni klubu BƏLLİ OLUB
• Mərc oyunları qalmaqalı: "Qalatasaray"ın həkimi, "Fənər"in tərcüməçisi...
• “Arsenal”da ciddi itki