Dünyanın ən bahalı futbolçusu Kriştianu Ronaldoya keçidi üçün astronomik məbləğ təklif olunub. Apasport.az saytının məlumatına görə, İngiltərənin “Mirror” qəzeti gələn mövsüm Çempionlar Liqasında oynayacaq “Mançester Siti”nin 26 yaşlı portuqaliyalı hücumçunu Madrid “Real”ından transfer etmək üçün 1 milyard dollar ödəməyə hazır olduğunu yazır.

Ərəb şeyxlərinin maliyyələşdirdiyi, milyonlar xərclədiyi klub Ronaldonu İngiltərə Premyer Liqasına, Mançester şəhərinə qaytarmaq istəyir. Əgər keçid baş tutarsa, “Mançester Siti” dünya futbolunda yeni transfer rekord müəyyənləşdirəcək.

Belə ki, əvvəlki rekord Ronaldonu “Mançester Yunayted”dən 80 milyon funt sterlinqə alan “Real”a məxsusdur. Ronaldonun madridlilərlə 6 illik müqaviləsində belə bənd var ki, onun satışı minimum 1 milyard dollar təşkil edir.

Qeyd edək ki, Kriştianu cari mövsümdə “Real”ın heyətində 53 oyuna 51 qol vuraraq, komandasının vaxtilə ən yaxşı futbolçularından olan məşhur macar hücumçu Ferents Puşkaşın rekordunu qırıb.

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq