“Qarabağ” klubunun futbolçusu Georgi Adamiya Azərbaycan futbolunda görünməmiş nailiyyətə imza atıb. Apasport.az saytının məlumatına görə, 30 yaşlı hücumçu Premyer Liqada 7-ci medalını qazanmaqla, heç bir legionerin bacarmadığına imza atıb.

Əslində, gürcüstanlı 7-ci medalını xeyli əvvəl təmin etmişdi. Lakin zəngin mükafat kolleksiyasına hansı əyarlı qənimətin əlavə olunduğu yalnız son turda dəqiqləşib.

Adamiya 2 qızıl, 1 gümüş və 3 bürüncdən ibarət kolleksiyasına bu dəfə də bürünc əlavə edib. Bu nailiyyətin ən böyük unikallığı ondadır ki, Georgi mükafatları ardıcıl qazanıb.

2004/05 mövsümünün dövrələrarası fasiləsində ölkəmizə gələn gürcü “Neftçi”, “Bakı” və “Qarabağ”da oynamaqla görünməmiş kolleksiyasını doldurub.

mövsüm	klub	medal
2004/05	Neftçi	Qızıl
2005/06	Neftçi	Bürünc
2006/07	Neftçi	Gümüş
2007/08	Neftçi	Bürünc
2008/09	Bakı	Qızıl
2009/10	Qarabağ	Bürünc
2010/11	Qarabağ	Bürünc

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq