“Artıq 4-cü dəfə Azərbaycan kubokunda finalında oynayacağam. Bunadək “İnter”lə 3 finalda uğursuzluqla üzləşmişik. Nəhayət, bu tendensiyanı qırıb, Azərbaycan kubokunu qazanmaq istəyirəm”. Apasport.az saytının məlumatına görə, bu fikirləri Bakının “İnter” klubunun kapitanı Vladimir Levin deyib. Milli komandamızın da üzvü olan 27 yaşlı müdafiəçi NBC Bank Azərbaycan kubokunun “Xəzər Lənkəran”la oyun öncəsi bu gün keçirdikləri mətbuat konfransında gürcü baş məşqçisi Kaxaber Sxadadze ilə birgə iştirak edib.

Levin 2 dəfə “İnter”lə çempion olsa da, hələ kubok qazana bilməyib: “Axır ki, bu tilsimi qırmaq istəyirik. Hesab edirəm ki, buna komanda şəklində nail ola bilərik. Həqiqətən də “Xəzər Lənkəran”ın fərdi oyun keyfiyyətlərinə görə güclü futbolçuları çoxdur. Bunlar arasında hücumçu Uinston Parksı qeyd etmək olar. O, yaxşı fiziki göstəricilərə malikdir. Ancaq Parksın qarşısını almağımız mümkündür. Bunun üçün birgə çalışmalıyıq. Bunu edərək, finalda qalib gələ bilərik”.

Qeyd edək ki, 2004-cü ölkəmizdə oynayan Levin bu müddətdə fasiləsiz “İnter”də çıxış edir.

Mehman SÜLEYMANOV

• Yusuf Yazıcı üçün 4 namizəd
• Flik: “Barselona” Çempionlar Liqasını qazana bilər”
• "Milan"da ciddi narazılıq: Baş məşqçi ilə yollar ayrılır
• "Dinamo"da 9 qolun cəzası baş məşqçiyə kəsildi
• "Bavariya" "Bayer"in əsas müdafiəçisi ilə anlaşıb