“Deməzdim ki, püşkatmada bəxtimiz gətirdi. Düşünürəm ki, nisbətən zəif komanda ilə də oynaya bilərdik”. Bu sözləri apasport.az saytına açıqlamasında Ağdamın “Qarabağ” klubunun futbolçusu Rəşad Sadıqov deyib.

Avrokubokların ilk 2 təsnifat mərhələsinin püşkatmasına münasibət bildirən 29 yaşlı müdafiəçi Azərbaycan klubları arasında ən çox bəxti gətirən komandasının daha asan rəqiblərlə düşməməyindən narazıdır: “Lakin bəxtimizə “Banqa” düşdü. Litva çempionatı davam edir və rəqibin futbolçuları yaxşı formadadırlar. Bizdə isə yığma oyunçularında yorğunluq var, mövsüm bitər-bitməz hazırlıqlara başladıq, dincəlməyə vaxtımız az olub. Hələ oyun praktikamız yoxdur. Zənnimcə, birinci mərhələdə bizi çətin sınaq gözləyir”.

Qeyd edək ki, “Qarabağ” I təsnifat mərhələsində Litvanın “Banqa”, bu səddi keçəcəyi halda isə Farer adalarının “Streymur” klubu ilə qarşılaşacaq.

• “Yuventus”dan Makkeni qərarı
• “Siti” braziliyalı üçün 50 milyon ödəməyə hazırdır
• “Tottenhem”in kapitanı PSJ-nin hədəfində
• “Samsunspor”un yeni baş məşqçisi bəlli olub
• Super Liqa klubu baş məşqçisi ilə yollarını ayırıb