Vaqif Cavadovun komandasında transferə çıxarılan futbolçular

04.07.2011 - 16:32

Azərbaycan milli komandasının futbolçusu Vaqif Cavadovu transfer edən Rusiyanın “Volqa” klubu heyətlə bağlı böyük islahatlara başlayıb. Apasport.az saytının məlumatına görə, Premyer Liqanın debütantı olan Nijni-Novqorod təmsilçisi 5 futbolçu ilə yollarını ayırmağı qərara alıb. Bunlar müdafiəçilər - braziliyalı Silva dos Santos Leilton, Aleksey Aravin, yarımmüdafiəçilər – Maksim Burçenko, Maksim Zyuzin və Sergey Yaşindir. Onların hamısı transferə çıxarılıb. “Volqa” hazırda həmin 5 futbolçuya yeni klub axtarmaqla məşğuldur.

Göründüyü kimi, “Volqa”nın imtina etdiyi futbolçular arasında Vaqifin ampluasında futbolçu yoxdur. Klub gürcü hücumçusu Otar Martsvaladzenin “Krasnodar”a gedişindən sonra 22 yaşlı Cavadovu transfer etdi.