“Neftçi”nin düşərgəsində ad günü qeyd olundu

05.07.2011 - 08:32

Avstriyada təlim-məşq toplanışını davam etdirən "Neftçi" klubunun belçikalı futbolçusu Emil Mpenzanın 33 yaşı tamam olub. Apasport.az saytının məlumatına görə, klub rəhbərliyi ənənəyə sadiq qalaraq, bütün komanda üzvlərinin olduğu kimi, belçikalı hücumçunun da ad gününü qeyd edib. Bu münasibətlə "Neftçi" rəsmilərinin, məşqçilər korpusu və futbolçularının iştirakı ilə tədbir keçirilib. Baş məşqçi Arif Əsədov və komandanın digər üzvləri Emili təbrik edib, ona şəxsi həyatında və futbolçu karyerasında daha böyük uğurlar arzulayıblar.

Mənbə: neftchifc.com