Çempionla Liqasının II təsnifat mərhələsinin cavab oyunları çərçivəsində keçiriləcək “Neftçi” (Azərbaycan) – “Dinamo” (Xorvatiya) oyununun baş hakimi Hannes Kaasikin kimliyi müəyyənləşib. Apasport.az saytının məlumatına görə, estoniyalı hakimin 33 yaşı var və əvvəllər də bizim komandalarla qarşılaşıb. 2006-cı ildən FİFA hakimi olan Kaasik 2003-cü ildə “Birlik kuboku” zamanı 21 yaşadək futbolçulardan ibarət Azərbaycan yığmasının zəfərinə şahid olmuşdu. O vaxt millimiz Ukraynanın məşhur “Şaxtyor” klubunu 2:1 hesabı ilə məğlub etmişdi. Həmin görüşdə Valeri Hacıyevin rəhbərlik etdiyi milli əsas komandanın bəzi üzvləri ilə güclənmişdi. Elə “Şaxtyor”un qapısına hər 2 qolu da indi “Qarabağ”ı çalışdıran Qurban Qurbanov vurmuşdu. 2 il əvvəl isə estoniyalının ayağı düşərli olmayıb. O, avrokuboklarda keçirilən “Bazel” – “Bakı” matçında fit çalıb. İsveçrədəki qarşılaşmada təmsilçimiz 1:5.hesabı ilə darmadağın olub.

• Bellingemin durumuna aydınlıq gəldi: ZƏDƏSİ CİDDİDİR
• "Arsenal" transfer bombasına hazırlaşır: UİLYAMS LONDON YOLUNDA
• "Traktor"un baş məşqçisi bəlli oldu
• Türkiyədə qanunsuz mərc oyunları ilə bağlı 8 nəfər saxlanılıb, “Diyarbekirspor”da araşdırma başlayıb
• Günün canlı yayımlanacaq matçları - TV AFİŞA