Almaniyanın əfsanəvi futbolçularından olan Herd Müller yaddaşını itirib. Apasport.az saytının məlumatına görə, dünyanın ən məhsuldar hücumçularından olan 65 yaşlı veteran oyunçu İtaliyada hafizəsini itirmiş halda tapılıb. Meneceri olduğu “Bavariya”nın gənc komandası ilə təlim-məşq toplanışında olan Müller səhər 5-də qəfildən oradan ayrılıb. Onun Münhenə getmək üçün bir taksiyə mindiyi, ancaq yetərincə pulu olmadığı üçün qatara getdiyi və ardından yoxa çıxdığı yazılır. Müllerin düşərgədə olmadığı anlaşılınca futbolçular və klub rəsmiləri İtaliya polisinə məlumat veriblər. Polis ünlü insanı hadisədən 13 saat sonra yaddaşını itirmiş bir vəziyyətdə şəhər mərkəzində gəzərkən tapıb.

“Bavariya”nın mətbuat katibi Markus Hörvik isə olayın sadəcə, yoxa çıxmadan ibarət olduğunu bildirib. O, Münhen qəzetinə açıqlamasında Müllerin səhər yeməyindən sonra gəzinti üçün oteldən ayrıldığını və yolunu itirdiyini açıqlayıb.

Qeyd edək ki, Müller karyerasının böyük hissəsini keçirdiyi “Bavariya”da 427 oyunda 365 qol vurub. O, milli komandamızın baş məşqçisi, həmyaşıdı Berti Foqtsla birgə uzun illər Almaniya yığmasında oynayıb. Onlar birgə 1972-ci ildə Avropa, 2 il sonra dünya çempionu olublar. Bundestimdə 62 oyunda 68 qol vuran hücumçu 1982-ci ildə karyerasını bitirdikdən sonra fasilələrlə alkoqoldan və depressiyadan müalicə olunub.

• Günün oyunları bu kanallarda
• “Qalatasaray”ın heyəti açıqlandı: OSİMHEN YOXDUR
• "Fənərbaxça"da ŞOK İTKİ
• "Fənər"də 2 itki birdən: Cavab matçında iştirak etməyəcəklər
• "Nottingem" braziliyalı üçün qiymət qoydu - 70 MİLYON AVRO