Aleksandr Səmədovun alın yazısı: Azərbaycan yığmasına get, Rusiyaya qol vur

31.07.2011 - 07:30

DÇ-2014-ün seçmə mərhələsinin püşkatmasını dəyərləndirən Rusiya mətbuatı öz yığmalarına rəqib olan Azərbaycan milli komandasına da biganə qalmır. Apasport.az saytının məlumatına görə, həmkarlarımızdan biri Aleksandr Səmədova müraciət edərək bir müddət əvvəl ona həsr olunan yazını xatırladıb.

Rusiya yığmasından təklif gözləyib, ora çağırılmayan, Azərbaycan pasportu daşıyıb millimizə arxa çevirən soydaşımıza qərarını dəyişmək məsləhət görülür: “Yazmışdım ki, Azərbaycanı seçəcəyi halda Səmədov nə vaxtsa Rusiyaya qarşı oynayıb qol da vura bilər. Belə olan halda heç kim onu qınamaz da. İndu püşk Azərbaycan və Rusiyanı bir-birinə rəqib etdi. Bəlkə də bu bir alın yazısıdır”.