“Kəpəz”in qapıçısı Elşən Poladov əməliyyat olunub. Bu haqda apasport.az saytına məlumat verən 32 yaşlı futbolçu sol çiynindən əməliyyat keçirdiyini bildirib.

Artıq evə buraxılan Poladov uzun müddət futbol oynaya bilməyəcəyini bildirib: "İlkin məlumata görə, 6 həftədən sonra yüngül məşqlərə başlaya bilərəm. Ola bilsin ki, qışa qədər olan vaxtı boşa verim".

Elşən onun yoxluğunda "Kəpəz"in qapıçı problemi ilə üzləşməyəcəyini söyləyib: "Fikrimcə, "Kəpəz"də yaxşı qapıçılar var. Komanda qarşıdakı turlarda qapıçı problemi ilə üzləşməyəcək".

Qeyd edək ki, Poladov ötən mövsüm bitən kimi AZAL-dan Gəncə klubuna keçdi.

• “Barselona”dan Kanselo qərarı
• "Real" - "Bavariya" matçı bu kanalda - TV Afişa
• “Fənər”in heyətində ciddi itki
• Braziliya klubunda ayrılıq
• Flik üçün əlamətdar matç: ”300”ə çatdı