Azərbaycan milli komandasının hücumçusu Vaqif Cavadovun da şərəfini qoruduğu Rusiyanın "Volqa" klubu bu gün Premyer Liqada növbəti görüşünə çıxıb. Apasport.az saytının məlumatına görə, Cavadovun komandası 26-cı turda doğma azarkeşləri önündə Permin "Amkar" klubunu qəbul edib.

Premyer Liqada qalmaq uğrunda mübarizə aparan Nijni Novqorod təmsilçisi hazırda 23 xalla turnir cədvəlinin 12-ci pilləsində qərarlaşıb. Eyni mövqedə qərarlaşan komandaları bu görüşdə ancaq qələbə qane edirdi. Lakin tərəflərin səylərinə baxmayaraq, oyunda hesab açılmayıb - 0:0.

Qeyd edək ki, oyunun start heyətində olmayan Vaqif yalnız matçın 65-ci dəqiqəsində meydana daxil olub.

• 18 yaşlı müdafiəçi "Çelsi"nin radarında
• "Atalanta"nın futbolçusu La Liqa yolunda
• "Real"ın 3 futbolçusu zədəsini sağaldıb - "Bavariya"ya qarşı oynayacaqlar
• "Tottenhem"də ciddi itki
• Braziliya millisinin üzvü A Seriyasına qayıda bilər