Türkiyə yığmasının futbolçusu Gökhan Könül Avro-2012-in seçmə mərhələsində keçirəcəkləri ev oyunlarında məqsədlərini açıqlayıb. Apasport.az saytının məlumatına görə, “Fənərbaxça”nın müdafiəçi bildirib ki, İstanbulda Almaniya və Azərbaycanla görüşlərdə hədəfləri 4 xal qazanmaqdır.

O, qrup lideri, hələlik 100 faizli nəticə göstərən Bundestimlə görüşdən 1, millimizlə oyundan 3 xal alacaqlarını düşünür: “Qrup ikincisi üçün mübarizə apardığımız Belçikanın hər oyunu da qazanmaq məcburiyyətində olduğunu bilirik. Onu da dərk edirik ki, bizim 2 oyunda ən azı 4 xal almalıyıq. Almaniyanın gücü hamıya məlumdur. Son 2 oyuna qədər məğlub olmadan gəldilər. Türkiyə - Almaniya matçlarının nə qədər nüfuzlu keçdiyini bilirik. Qalib gəlməyin çətin olduğunu başa düşürük, amma bu, mümkünsüz deyil”.

Xatırladaq ki, Türkiyə yığması oktyabrın 7-də Almaniyanı, 11-də isə millimizi qəbul edəcək.

• İtaliya millisinin baş məşqçisi bəlli oldu
• İnfantino Ərdoğana dünya kubokunu verdi
• Şlotterbek daha 5 il “Borussiya”da
• “Yuventus”da yeni müqavilə
• 18 yaşlı müdafiəçi "Çelsi"nin radarında