“Dalğa Arena”da 2 dəqiq zərbə

07.10.2011 - 09:47

Azərbaycan milli komandası (U-21) “Dalğa Arena”da uğursuz debüt edib. Apasport.az saytının məlumatına görə, Avro-2013-ün seçmə mərhələsində ilk ev oyununu Norveçə qarşı keçirən millimiz 0:2 hesabı ilə uduzmaqla yanaşı, bütün göstəricilərdə rəqibdən zəif olub.

90 dəqiqə ərzində rəqib qapısına cəmi 2 dəqiq zərbə endirən yığmamız ümumilikdə 9 dəfə qapı istiqamətində zərbə vurub. Həm ümumi, həm dəqiq zərbələrdə yığmamız skandinaviyalılardan geri qalıb. Künc zərbələrində də geri qalan Bernard Lippertin yetirmələri qayda pozuntusunda Norveçlə başabaş qalıb.

Azərbaycan		Norveç
0	Qol	2
2	Çərçivəyə zərbələr	7
7	Qeyri-dəqiq zərbələr	4
5	Künc zərbələri	8
12	Qayda pozuntuları	12
2	Sarı vərəqələr	2
0	Qırmızı vərəqələr	0