Bu gün Premyer Liqada XI turun 2 oyunu keçirilib. Apasport.az saytının məlumatına görə, turun sensasiyası Qəbələdə baş verdi. Autsayder “Simurq” mükafatlar uğrunda mübarizə aparan “Qəbələ”ni onun meydanında yenməyi bacardı. Nəticədə Toni Adamsın çalışdırdığı komanda vacib 3 xal itirdi. Qəbələlilər müdafiə xəttində buraxdıqları səhvlərin acısını çəkdi və qonaqların təcrübəli legionerləri bundan maksimum yararlandı. Bu qələbə “Simurq”un turnir cədvəlində birdən-birə 2 pillə irəliləməyi ilə nəticələndi. Düzdür, onun arxada qoyduğu AZAL 1 oyun az keçirib və sabah səfərdə “Sumqayıt Şəhər”ə qalib gələrsə, yenidən Zaqatala təmsilçisini arxada qoyacaq.

“Turan” isə oyununu bu gün keçirdiyindən, ən azı 1 həftəlik “Simurq”dan arxada qalacaq. Halbuki tovuzlular da səfər oyununda sensasiyaya imza atmağa çox yaxın idilər. Komandanın “Neftçi” ilə səfər oyunu gərgin mübarizə şəraitində keçdi. Meydan sahibləri hələ ilk hissədə qol vurmaq üçün real imkan qazansa da, braziliyalı yarımmüdafiəçi Flavinyo penalti zərbəsindən sonra topu qapının üstündən vurdu. “Neftçi” qələbə topunu vurana kimi 2 qol vursa da, bunlar hesaba alınmadı. Bu, Cavid Hüseynov ofsayyda olduğuna, Bahodir Nasimov isə topu əllə qapıdan keçirdiyinə görə idi. Hər halda, Bahodir son dəqiqədə künc zərbəsindən sonra “Turan”ın qapısı ağzında yaranan qarışıqlıqdan istifadə edərək, qol istəyini reallaşdırdı. Bununla da Özbəkistan milli komandasının hücumçusu “Neftçi”ni yenidən turnir cədvəlində 2-ci pillədə yer almağına imkan yaratdı.

29 oktyabr

"QƏBƏLƏ" - "SİMURQ" - 0:2
QOLLAR: Yevgeni Şmakov, 41, Robertas Poşkus, 59
Hakimlər: Fariz Yusifov, Namiq Hüseynov, Yaşar Abbasov, Elvin Əsgərov
Qəbələ. Şəhər stadionu
Qəbələdəki oyunların balansı: 3 oyun: +4=1-1 (11-3)
2006/07 – 1:2, 2007/08 – 1:0, 2008/09 – 0:0, 2009/10 – 2:1 (təsnifat), 2010/11 – 4:0 (təsnifat), 3:0 (“altılıq”)

"NEFTÇİ" - "TURAN" - 1:0
QOL: Bahodir Nasimov, 90
41-ci dəqiqədə Flavinyo penalti zərbəsini dəqiq yerinə yetirə bilməyib (yan)
Hakimlər: Ceyhun Haşımov, Azər Əsgərov, Ramiz Əsədov, Hacıəli Ağayev
Bakı. "Dalğa Arena" stadionu
Bakıdakı oyunların balansı: 19 oyun: +13=5-1 (topların fərqi 41-14)
1992 – 1:1, 1993 – 0:0, 1993/94 – 1:0, 1994/95 – 2:1, 1995/96 – 3:1 (təsnifat), 2:1 (“altılıq”), 1996/97 – 2:0, 1997/98 – 3:0, 1998/99 – 1:1 (təsnifat), 1999/00 – 1:1, 2000/01 – 5:1, 2003/04 – 6:1, 2004/05 – 2:1, 2005/06 – 1:0, 2006/07 – 4:2, 2007/08 – 1:2, 2008/09 – 1:1, 2009/10 – 2:0 (təsnifat), 2010/11 – 2:0 (təsnifat)

	Komanda	O	Q	H	M	Qollar	Xallar
1	Xəzər Lənkəran	11	8	2	1	17-7	26
2	Neftçi	11	7	1	3	16-9	22
3	Qarabağ	11	6	2	3	15-10	20
4	İnter	10	5	3	2	8-6	18
5	Bakı	11	4	4	3	12-10	16
6	Qəbələ	11	4	3	4	12-13	15
7	Rəvan	10	3	4	3	13-13	13
8	Kəpəz	11	3	3	5	15-17	12
9	Simurq	11	3	2	5	9-12	11
10	Turan	11	3	1	7	8-14	10
11	AZAL	10	2	4	4	11-14	10
12	Sumqayıt Şəhər	10	0	3	7	3-14	3

• Qrinvud PSJ-nin xidmətində
• "Barsa" Fliklə bağlı qərarını verdi
• "Fənər"in futbolçusu vətəninə qayıda bilər
• Sara İngiltərəyə qayıda bilər
• Meksika millisinin qapıçısı karyerasını bitirəcək