Üçüncülər arasında beşinci

31.10.2011 - 14:55

17 yaşadək futbolçular arasında Avropa çempionatının seçmə mərhələsində qrup üçüncüsü olan Azərbaycan yığması mübarizəni dayandırıb. Apasport.az saytının məlumatına görə, buna digər qruplarda 3-cü yeri tutan komandaların nəticələri səbəb olub.

Belə ki, 13 qrupdan yalnız ikisinin üçüncü yerinin sahibi elit raunda vəsiqə qazanacaq. Hələ X seçmə qrupda mübarizə başa çatmasa da, yığmamızın növbəti mərhələyə çıxmadığı məlumdur. Çünki 3-cü yeri tutmuş 12 komanda sırasında Təbriz Həsənovun yetirmələri 5-ci nəticəyə malikdir.

Ən yaxşı göstəriciyə isə Uels və Bolqarıstan yığmaları malikdir. Britaniyalılar artıq mərhələ adlayıbsa balkanlıların taleyinə X qrupun son matçlarından sonra aydınlıq gələcək.