Musa Süleymanov klublara sataşdı: Burda pul qazanmaq olmur
02.11.2011 - 14:38
“Futbol adamı olmasaq da, futbolu öyrənirik. Biz “Barselona” ilə anlaşdıq. Çünki klublarımızın oyunu xoşuma gəlmirdi”. Apasport.az saytının məlumatına görə bu sözləri “Turan” klubunun prezidenti Musa Süleymanov deyib.
İspaniyanın “Barselona” klubunun uşaq futbol akademiyası ilə müqavilə imzalayan “Turan” rəhbərliyi səfərə yola salacağı futbolçuların kimliyini müəyyənləşdirib. Belə ki, artıq bir neçə gündür ölkəmizdə olan Xristo Stoiçkovun akademiyasının texniki direktoru Antonio Sançes Munos və Loze Luis Villar Tovuzda seleksiya işləri aparıb.
Əvvəlcə 1998/99-cu, ertəsi gün 1996/97-ci il təvəllüdlü uşaqlar öz məharətlərini göstəriblər. Qonaqlar 10 nəfəri bəyəniblər. Daha bir futbolçu isə U-16 ilə toplanışda olan Budaq Budaqov olub: “Onu deyə bilərəm ki, 15-16 yaşlı uşaqlarda potensial var. Ancaq sonradan həmin oyunçular yoxa çıxırlar. Ona görə də belə bir addım atmalı olduq”.
Klub prezidenti futbolçuların bütün xərclərini ödəyəcəyini də qeyd edib: “Anlaşmaya görə, 11 futbolçu 2 il orda qalacaq. Onlarla iki qrup məşğul olacaq. Qruplardan biri sosial sahələrlə, digəri isə məşq-təhsil işlərinə cavabdehlik daşıyacaq. Onlara nə qədər pul xərcləyəcəyimizi açıqlamaq istəmirik. Ancaq legionerlərə xərcləməkdənsə, uşaq futbolunu dirçəltmək lazımdır”.
Hazırda sənədləşmə işlərinin aparıldığını deyən Süleymanov bu sahədə AFFA-dan yardım istəyib: “Sənədləşmə işləri aparılır. Bu uşaqlar həddi-buluğa çatmadıqlarına görə, onlar ya valideynləri ilə getməli, ya da kiməsə etibarnamə verməlidirlər. Başqa işlər də var. Bura təhsil də daxildir. Bu işləri yoluna qoyulmasında AFFA da kömək edəcək”.
Klub rəhbəri uşaqları gələcəkdə hansısa komandaya satmaq haqda düşünmədiyini, Azərbaycanda “Barselona” tipli komanda yaratmaq istədiyini deyib: “Onların iki ildən sonra 18 yaşı olacaq. 11 futbolçu yarım komanda deməkdir. Təbii ki, bundan sonra “Turan”ın iddiası da artacaq”.
Sonda Süleymanov bəzi klubları tənqid etməyi də özünə borc bildi: “Azərbaycan futbolunda pul qazanmaq olmur. Xərclədiyin pulları sanki quyunun dibinə atırsan. Gərək klubun öz gəliri olsun. Əvvəllər tovuzlu iş adamları yığışıb, məni rəhbər təyin etdilər və hər biri ayda müəyyən məbləğdə köməklik edəcəklərini demişdilər. Bir-iki aydan sonra heç biri kömək etmədi. Mən də zəng vurmağı özümə rəva bilmədim. “Xəzər Lənkəran”, “Neftçi” səviyyəsində komanda saxlamaq gücündə deyiləm. Bunu etiraf edirəm”.
İspaniyanın “Barselona” klubunun uşaq futbol akademiyası ilə müqavilə imzalayan “Turan” rəhbərliyi səfərə yola salacağı futbolçuların kimliyini müəyyənləşdirib. Belə ki, artıq bir neçə gündür ölkəmizdə olan Xristo Stoiçkovun akademiyasının texniki direktoru Antonio Sançes Munos və Loze Luis Villar Tovuzda seleksiya işləri aparıb.
Əvvəlcə 1998/99-cu, ertəsi gün 1996/97-ci il təvəllüdlü uşaqlar öz məharətlərini göstəriblər. Qonaqlar 10 nəfəri bəyəniblər. Daha bir futbolçu isə U-16 ilə toplanışda olan Budaq Budaqov olub: “Onu deyə bilərəm ki, 15-16 yaşlı uşaqlarda potensial var. Ancaq sonradan həmin oyunçular yoxa çıxırlar. Ona görə də belə bir addım atmalı olduq”.
Klub prezidenti futbolçuların bütün xərclərini ödəyəcəyini də qeyd edib: “Anlaşmaya görə, 11 futbolçu 2 il orda qalacaq. Onlarla iki qrup məşğul olacaq. Qruplardan biri sosial sahələrlə, digəri isə məşq-təhsil işlərinə cavabdehlik daşıyacaq. Onlara nə qədər pul xərcləyəcəyimizi açıqlamaq istəmirik. Ancaq legionerlərə xərcləməkdənsə, uşaq futbolunu dirçəltmək lazımdır”.
Hazırda sənədləşmə işlərinin aparıldığını deyən Süleymanov bu sahədə AFFA-dan yardım istəyib: “Sənədləşmə işləri aparılır. Bu uşaqlar həddi-buluğa çatmadıqlarına görə, onlar ya valideynləri ilə getməli, ya da kiməsə etibarnamə verməlidirlər. Başqa işlər də var. Bura təhsil də daxildir. Bu işləri yoluna qoyulmasında AFFA da kömək edəcək”.
Klub rəhbəri uşaqları gələcəkdə hansısa komandaya satmaq haqda düşünmədiyini, Azərbaycanda “Barselona” tipli komanda yaratmaq istədiyini deyib: “Onların iki ildən sonra 18 yaşı olacaq. 11 futbolçu yarım komanda deməkdir. Təbii ki, bundan sonra “Turan”ın iddiası da artacaq”.
Sonda Süleymanov bəzi klubları tənqid etməyi də özünə borc bildi: “Azərbaycan futbolunda pul qazanmaq olmur. Xərclədiyin pulları sanki quyunun dibinə atırsan. Gərək klubun öz gəliri olsun. Əvvəllər tovuzlu iş adamları yığışıb, məni rəhbər təyin etdilər və hər biri ayda müəyyən məbləğdə köməklik edəcəklərini demişdilər. Bir-iki aydan sonra heç biri kömək etmədi. Mən də zəng vurmağı özümə rəva bilmədim. “Xəzər Lənkəran”, “Neftçi” səviyyəsində komanda saxlamaq gücündə deyiləm. Bunu etiraf edirəm”.
Oxşar xəbərlər
Ana səhifə
Bütün xəbərlər