Aqil, Aqil əmi, yoxsa Aqil müəllim?

02.11.2011 - 16:55

Premyer Liqanın I dövrəsinin ən cavan və ən yaşlı futbolçularının siyahısı məlum olub. Apasport.az saytının məlumatına görə, arxada qalan 11 turda meydana çıxıb, ən azı 1 dəqiqə oynayan futbolçular arasında kəskin yaş fərqi var.

Belə ki, çempionatınızın ən “qoca”sı ən “balaca”dan 23 yaş 8 ay böyükdür. Söhbət Premyer Liqanın “ağsaqqalı” Aqil Məmmədovdan gedir. “Sumqayıt Şəhər”in futbolçusu komanda yoldaşı Orxan Əliyevdən ata-oğul fərqi qədər böyükdür. Maraqlıdır, görəsən Orxan atası yerində olan komanda yoldaşı Aqilə necə müraciət edir: Aqil, Aqil əmi, yoxsa Aqil müəllim?

Premyer Liqanın yaşca 2-ci gənc və 2-ci yaşlı oyunçusu da elə “Sumqayıt Şəhər”də çıxış edir. Orxan kimi, Ruslan Nəsirli də Aqildən 23 yaş kiçikdir. Elə Mahmud Qurbanov bu yeniyetmələrdən kifayət qədər, demək olar bu qədər – 22 yaş böyükdür. Bu komandanın daha 1 üzvü Aslan Kərimov da gənclər üçün nümunə ola bilər. Lakin həmyaşıdı Mahmuddan fərqli, o, cari mövsüm meydana çıxmayıb.

I dövrədə meydana çıxan ən gənc futbolçular

klubu	futbolçu	oyun	Təvəllüdü
Sumqayıt Şəhər	Orxan Əliyev	7	21.12.1995
Sumqayıt Şəhər	Ruslan Nəsirli	2	12.01.1995
Xəzər Lənkəran	Fikrət Ulduzlu	1	15.04.1994
Turan	Cavid Tağıyev	2	09.03.1994
Sumqayıt Şəhər	Ruslan Tağızadə	11	09.12.1993

I dövrədə meydana çıxan ən yaşlılar

klubu	futbolçu	oyun	Təvəllüdü
Sumqayıt Şəhər	Aqil Məmmədov	2	12.04.1972
Sumqayıt Şəhər	Mahmud Qurbanov	7	10.05.1973
İnter	Branislav Çervenka	10	27.09.1975
Simurq	Vasili Yanotovski	10	02.01.1976
Kəpəz	Azər Məmmədov	7	07.02.1976