Quzanlıda şok, Bakıda darmadağın

Quzanlıda şok, Bakıda darmadağın - YENİLƏNİB

05.11.2011 - 17:53

Bu gün Premyer Liqada II dövrənin I turunun daha 2 qarşılaşması keçirilib. Apasport.az saytının məlumatına görə, bu matçlardan biri Ağdamda, digəri Bakıda baş tutub.

Günün ilk görüşündə “Qarabağ” “Sumqayıt Şəhər”i qonaq edib. Quzanlıda ardıcıl 2-ci oyuna çıxan Qurban Qurbanovun yetirmələri debütantdan I dövrədəki nəticənin əvəzini çıxmağa çalışsalar da, bu alınmayıb. Belə ki, Sumqayıtdakı oyunda gözlənilmədən vacib 2 xal itirən “Qarabağ” bu dəfə heç 1 xal da qazana bilməyib.

Debütant ötən həftə ardıcıl 2 qalibiyyətin (ölkə kubokunda və çempionatda) ardından bu dəfə Ağdam təmsilçisini məğlub etməyi bacarıb – 2:1.

Bu qarşılaşma başa çatdıqdan sonra AZAL - “Qəbələ” görüşünə start verilib. Toni Adamsın yetirmələri ötən tur evdə “Simurq”a uduzduqlarından Bakıda bu məğlubiyyəti unutdurmaq arzusunda idilər. Lakin heç də psixoloji durumu yaxşı olmayan AZAL rəqibinin bu istəyini həyata keçirməsinə imkan verməyib. İlk hissədə hesab açılmasa da, fasilədən sonra “təyyarəçilər” qonaqları “top” atəşinə tutublar. Onlar “Qəbələ”nin qapısından 3 cavabsız top keçiriblər və bu qələbə sayəsində turnir cədvəlində 3 pillə irəliləyiblər.

5 noyabr

AZAL - "QƏBƏLƏ" - 3:0
QOLLAR: Tales Şütz, 48,68, Tərlan Xəlilov, 90
Hakimlər: Anar Salmanov, Rahil Ramazanov, Munis Abdullayev, Alik Yunusov.
Bakı. "AZAL Arena" stadionu.
Bakıdakı oyunların balansı – 5 oyun: +3=1-1 (8-5).
2006/07 – 3:1, 2007/08 – 2:0, 2008/09 – 1:0, 2009/10 – 0:2 (təsnifat), 2010/11 – 2:2. (təsnifat)
I dövrədəki oyun – 1:1.

"QARABAĞ" - "SUMQAYIT ŞƏHƏR" - 1:2
QOLLAR: Leonardo Roşa, 90+1 - Kamil Nurəhmədov, 20, Murad Səttarlı, 71
Hakimlər: Rəhim Həsənov, Yaşar Abbasov, Knyaz Əmiraslanov, Teymur Fərhadov.
Ağdam. Quzanlı qəsəbə Olimpiya İdman Kompleksinin stadionu.
Komandalar Ağdamda ilk dəfə görüşəcəklər.
I dövrədəki oyun – 0:0

6 noyabr

14:00. "TURAN" - "İNTER"
Hakimlər: Rövşən Əhmədov, Elman Musayev, Elşən Acalov, Anar Göyçayski.
Tovuz. Şəhər stadionu.
Tovuzdakı oyunların balansı – 10 oyun: +3=0-7 (7-22).
1999/00 – 2:1, 2000/01 – 3:1, 2003/04 – 0:3 (texniki məğlubiyyət), 2004/05 – 1:0, 2005/06 – 0:1, 2006/07 – 1:7, 2007/08 – 0:4, 2008/09 – 0:1, 2009/10 – 0:1 (təsnifat), 2010/11 – 0:3 (təsnifat).
I dövrədəki oyun – 0:1.

14:30. "NEFTÇİ" - "XƏZƏR LƏNKƏRAN"
Hakimlər: Elnur Muradov, İlham Əliyev, Mehman Mahmudov, Fariz Yusifov.
Bakı. İsmət Qayıbov adına Bakıxanov qəsəbə stadionu.
Bakıdakı oyunların balansı – 9 oyun: +3=5-1 (8-6).
2004/05 – 2:1, 2005/06 – 2:2, 2006/07 – 1:0, 2007/08 – 0:1, 2008/09 – 2:1, 2009/10 – 0:0 (təsnifat), 0:0 (“altılıq”), 2010/11 – 0:0 (təsnifat), 1:1 (“altılıq).
I dövrədəki oyun – 0:1.

4 noyabr

"KƏPƏZ" - "BAKI" - 1:3
QOLLAR: Armand Feutchine, 72 - Uinston Parks, 16, Deividas Çesnauskis, 43, Aleksandar Soliç, 66
Hakimlər: Elçin Məmmədov, Azər Əsgərov, Zeynal Zeynalov, İnqilab Məmmədov.
Gəncə. Şəhər stadionu.
Gəncədəki oyunların balansı: 9 oyun: +3=1-5 (11-15).
1997/98 – 1:1, 1998/99 – 2:0 (təsnifat), 3:1 (“altılıq”), 1999/00 – 2:0, 2000/01 – 1:2, 2003/04 – 1:4, 2004/05 – 0:2, 2005/06 – 0:2, 2010/11 – 1:3 (təsnifat).
I dövrədəki oyun – 3:0.

"RƏVAN" - "SİMURQ" - 1:1
QOLLAR: Samuel Barlay, 15 - Andrey Rubin, 72
Qırmızı vərəqə: Ekrem Hodziç, 56 (2-ci sarı, “Rəvan”), Vasili Yanotovski, 63 (2-ci sarı, “Simurq”)
Hakimlər: Ramil Diniyev, Nahid Əliyev, Aleksandr Musatkin, Vüsal Əliyev.
Bakı. “Dalğa Arena” stadionu.
Komandalar Bakıda ilk dəfə görüşəcəklər.
I dövrədəki oyun – 1:1

a	Komanda	O	Q	H	M	Qollar	Xallar
1	Xəzər Lənkəran	11	8	2	1	17-7	26
2	Neftçi	11	7	1	3	16-9	22
3	İnter	11	6	3	2	10-7	21
4	Qarabağ	12	6	2	4	16-12	20
5	Bakı	12	5	4	3	15-11	19
6	Qəbələ	12	4	3	5	12-16	15
7	Rəvan	12	3	5	4	15-16	14
8	AZAL	12	3	4	5	15-16	13
9	Simurq	12	3	3	6	10-13	12
10	Kəpəz	12	3	3	6	16-20	12
11	Turan	11	3	1	7	8-14	10
12	Sumqayıt Şəhər	12	2	3	7	7-16	9