Aleksandar Şoliç “Bakı”nın tarixinə düşdü

06.11.2011 - 12:00

Premyer Liqanın XII turunun “Kəpəz”lə Gəncədəki oyununda vurulan sonuncu qol “Bakı” üçün əlamətdar olub. Apasport.az saytının məlumatına görə, Aleksandar Şoliç klubunun milli çempionatlar tarixində 500-cü qolunu vurub.

Belə ki, yubiley qolunun vurulduğu matça kimi bakılılar 497 dəfə rəqib qapılarına yol tapmışdı. Şoliç isə bu rəqəmi 500-ə çatdırıb komandasının 1000-i yarılamasına səbəbkar oldu. “Bakı” digər 4 nəhəng – “Neftçi”, “Kəpəz”, “Turan” və “Qarabağ”dan sonra bu rəqəmi arxada qoyan 5-ci komanda oldu.

Lakin bu yubileylə bağlı 2 zəruri məqam qeyd olunmalıdır. 1-cisi texniki nəticələr üçün verilən qollar hesaba alınmır. Məsələn elə cari mövsüm turnir cədvəlində “Bakı”nın hesabında 15 qol var. Lakin paytaxt təmsilçisi reallıqda 12 dəfə fərqlənib. Bu da “İnter”lə oyundakı 3:0 hesablı texniki qələbə sayəsində belə olub. Həmin vurulmayan, amma turnir cədvəlində hesablanan qolları saymamaqla “Bakı”nın 500-ə çatdığı görünür.

2-ci məqam isə futbolumuzun ən ağrılı problemlərindən biri ilə bağlıdır. Ölkəmizdə bir-birini sıralayan klub dağılmaları, addəyişmələri üzündən komandaların tarixləri ilə bağlı qeyri-müəyyənliklər qalmaqdadır. Elə 2004-cü ildə yaranmış sayılan “Bakı” da belə müəmmalı tarixə malikdir. Rəmzlərində 1997-ci ildə yarandığı görünəm və “Dinamo”nun xələfi sayılan klubun əsasını 1996, 1997, yoxsa 2004-cü ildən götürdüyü həmişə mübahisə və müzakirə mövzusu olub. Lakin 1997-ci ildən yaranan “Dinamo”nun məhz “Polis Akademiyası”nın bazasında formalaşıb onun varisi kimi güclülər dəstəsində oynamasına görə 1996/97 mövsümünü də bakılıların balansına yazmaq lazımdır. Belə yanaşmada isə paytaxt təmsilçisinin güclülər dəstəsində ilk qolu 1996-cı il sentyabrın 18-də vurulub. Həmin gün “Polis Akademiaaysı ilə OİK arasında 1-ci turun matçında Baba Əsgərov klub tarixinin ilk qolunu vurmuşdu. O, 57-ci dəqiqədəki qolla klub tarixinin güclülər dəstəsindəki ilk oyununda ilk qələbəsini ilk qolla qazandırmışdı – 1:0.

Mövsüm	Çıxış etdiyi ad	Vurulan top*	Buraxılan top*	+:-	-:+	Vurub**	Buraxıb**
1996/97	Polis Akademiyası (Bakı)	23	49			23	49
1997/98	Dinamo (Bakı)	48	20	2		42	20
1998/99, 1-ci mərhələ	Dinamo (Bakı)	45	19	1	1	42	16
1998/99, 2-ci mərhələ	Dinamo (Bakı)	6	14			6	14
1999/2000	Dinamo (Bakı)	21	17			21	17
2000/01	Dinamo-Bakılı	30	29	2		24	29
2001/02, 1-ci mərhələ	Dinamo-Bakılı	9	49		1	9	46
2001/02, 2-ci mərhələ	Dinamo-Bakılı	0	7			0	7
2003/04	Dinamo (Bakı)	45	32	1		42	32
2004/05	Bakı	60	14	1	1	57	11
2005/06	Bakı	42	12			42	12
2006/07	Bakı	25	10			25	10
2007/08	Bakı	35	26			35	26
2008/09	Bakı	54	13			54	13
2009/10, 1-ci mərhələ	Bakı	22	17			22	17
2009/10, 2-ci mərhələ	Bakı	11	6			11	6
2010/11	Bakı	33	32			33	32
2011/12	Bakı	15	11	1		12	11
		524	338	8	3	500	368