“Qarabağ” təmsil etdiyi Ağdamda 23 aydan sonra uduzdu. Apasport.az saytının məlumatına görə, Qurban Qurbanovun çalışdırdığı komanda Quzanlı qəsəbəsindəki Olimpiya İdman Kompleksinin stadionunda 567 gündən sonra məğlubiyyəti debütant “Sumqayıt Şəhər”dən aldı – 1:2. “Qarabağ” sonuncu dəfə bu məkanda 2009/10 mövsümünün “altılığ”ın II dövrəsinin ilk turunda (XXVIII) – aprelin 17-də “Bakı”ya uduzmuşdu – 1:4. Bu, hələ ki meydan sahiblərinin Quzanlıda yeganə böyük hesablı məğlubiyyətidir.

Əslində “Sumqayıt Şəhər”i “Qarabağ” arzuolunmaz rəqib saymalıyıq. Çünki Qurbanovun komandası bu komandaya hər 2 oyunda qalib gələ bilmədi. İlk dövrədə Sumqayıtdakı matçın qolsuz bərabərliklə nəticələndiyini nəzərə alsaq, almaniyalı Bernard Raabın çalışdırdığı komanda son 3 ildə avrokuboklarda ən layiqli təmsilçimizdən 5 xal alıb. “Sumqayıt Şəhər”in cəmi 9 xalının olduğunu nəzərə alsaq, yarıdan çoxunu elə “Qarabağ”la oyunlarda qazanıb.

Bu, debütantın kuboku da nəzərə alsaq, ardıcıl 3-cü qələbəsi oldu. Sumqayıtlılar bundan öncə kubokda səfərdə “Lokomotiv”ə (2:0), ardından Premyer Liqada evdə AZAL-a (2:1) qalib gəlmişdi. “Gənclik şəhəri”nin təmsilçisi çempionatda sonuncu səfər qələbəsini də əyalətdə qazanmağı diqqəti çəkir. Ancaq burada fərqli məqamlar var. Belə ki, bu, ötən mövsüm sumqayıtlıların oynadığı I divizionda olub və özü də həmin vaxt komanda sadəcə “Sumqayıt” adlanırdı. O, son turda mayın 15-də İmişlidə “MKT-Araz” 3:1 hesabı ilə qalib gəlmişdi.

Qeyd edək ki, ötən mövsüm I divizionda 7-ci yeri tutan Sumqayıt klubu çempion kimi Premyer Liqaya vəsiqə qazanan, ancaq sonradan dağılan “Abşeron”un yerinə güclülər dəstəsinə buraxıldı.

• Günün canlı yayımlanacaq matçları - TV AFİŞA
• A Seriyasını tərk edəcəklər
• A Seriyası: Aprel ayının ən yaxşısı bəlii oldu
• İkardi “Qalatasaray”dan ayrıla bilər - Səudiyyə Ərəbistanı və Braziliyadan təkliflər var
• Reşford Premyer Liqa klubunun hədəfində