Vaqif Cavadov Premyer Liqada: Cəmi 6 saat 49 dəqiqə

08.11.2011 - 16:39

Rusiya Premyer Liqasında I mərhələyə yekun vurulub. Apasport.az saytının məlumatına görə, 30 turluq mərhələdə Azərbaycan yalnız 1 futbolçu ilə təmsil olunub. Bu, Nijni-Novqorod “Volqa”sında çıxış edən Vaqif Cavadovdur.

Azərbaycan milli komandasından kənarlaşdırılan 22 yaşlı hücumçu Premyer Liqada cəmi 9 dəfə meydana çıxıb. O, 2-ci “8-lik”də mübarizə aparacaq komandasının start heyətində cəmi 2 dəfə oynayıb. Digər 7 qarşılaşmada sonradan mübarizəyə qoşulan hücumçu meydanda olduğu 409 dəqiqəyə, yəni 6 saat 49 dəqiqəyə 1 dəfə də olsun qol vura bilməyib. Hesabında 2 sarı vərəqə olan Cavadov yalnız 1 dəfə əvəzolunmadan 90 dəqiqə çıxış edib.

Qeyd edək ki, Cavadov ölkə kubokunda da 1 oyun keçirib.

tarix	oyun	qol	Ötürmə	sarı	qırmızı	Start heyətdə	Dəqiqə
06.08.2011	Volqa – Rostov – 0:1	-	-	1	-	-	31
14.08.2011	Volqa – Lokomotiv – 0:0	-	-	-	-	-	37
21.08.2011	Kuban – Volqa – 5:0	-	-	1	-	-	62
27.08.2011	Volqa – Terek – 3:1	-	-	-	-	-	23
17.09.2011	Volqa – Spartak N – 1:0	-	-	-	-	1	90
01.10.2011	Volqa – Amkar – 0:0	-	-	-	-	-	26
22.10.2011	Volqa – Krasnodar – 0:2	-	-	-	-	-	26
27.10.2011	Zenit – Volqa – 3:0	-	-	-	-	-	45
06.11.2011	Volqa – Rubin – 1:0	-	-	-	-	1	69
Çempionat	Cəmi: 9 oyun	-	-	2	-	2	409
21.09.2011	Spartak M – Volqa – 1:1, p.5:6	-*	-	1	-	-	45
kubok	Cəmi: 1 oyun	-*	-	1	-	-	45