Azərbaycan üçün ilk, Albaniya 19 ildən sonra

10.11.2011 - 17:45

Noyabrın 11-də Albaniya milli komandası ilə yoldaşlıq oyunu keçirəcək Azərbaycan yığması ilk dəfə bu tarixdə meydana çıxacaq. Apasport.az saytının məlumatına görə, komandamız indiyədək heç vaxt 11-ci ayın 11-ci günündə meydana çıxmayıb.

Millimizdən fərqli rəqibimiz artıq 1 dəfə bu tarixdə oynayıb. Maraqlıdır ki, albaniyalılar “1”lərdən ibarət olan ay və gündə elə 1 qol vurub, 1 qol buraxıb və 1 xal qazanıblar. Bu, 19 il əvvəl qeydə alınıb. DÇ-1994-ün Latviya ilə 1992-ci il noyabrın 11-də keçirilən Tiranadakı görüşdə 1:1 hesabı qeydə alınıb.