Qələbə ilə əlvida - YENİLƏNİB

11.11.2011 - 22:55

Bu gün Azərbaycan milli komandası növbəti yoldaşlıq görüşünü keçirib. Apasport.az saytının məlumatına görə, millimiz bu il son rəsmi matçını səfərdə Albaniya yığması ilə keçirərək, ili qələbə ilə başa vurub. Məhz bu səfər qələbəsi ilə Berti Foqtsun baş məşqçisi olduğu yığmamız 2011-ci ilə “əlvida” dedi - 1:0.

Düzdür, komandamız Albaniyadan birbaşa Almaniyaya yollanıb, noyabrın 15-də “Union Berlin” klubunun qonağı olacaq. Ancaq bu yoldaşlıq görüşünün qeyri-rəsmi oyun olduğu məlumdur. Çünki FİFA ilə UEFA yığma ilə klubun görüşünün nəticəsini qəbul etmir. Deməli, Almaniya paytaxtındakı matç daha çox məşq xarakterli olacaq və ilin son rəsmi matçı Tiranadakı görüş hesab olunur.

Beynəlxalq yoldaşlıq görüşü

21:00. ALBANİYA – AZƏRBAYCAN 0:1
QOL: Rauf Əliyev, 22
AZƏRBAYCAN: Andrey Popoviç, Rail Məlikov, Rəşad Sadiqov, Aleksandr Çertoqanov, Branimir Subaşiç, Rauf Əliyev, Vurğun Hüseynov, Ruslan Abışov (k), Vüqar Nadirov, Ufuk Budak, Vladimir Levin
Ehtiyat oyunçular:
ALBANİYA: İsli Hidi, Andi Lila, Armend Dallku, Lorik Kana, Ansi Aqolli, Yahmir Huka, Admir Teli, Hamdi Salihi, Elis Bakay, Odise Roşi, Eryon Boqdani
Ehtiyat oyunçular: Orges Şehi, Frank Veliu, Emilian Vila, Edmond Kapilani, Gilman Lika, Ahmed Yanuzi, Gereji Muzakka.
Tirana. “Kemal Shafa” stadionu

1. Oyun başladı.
4. Komandalar oyuna kəşfiyyatla başladılar.
6. Vurğuna qarşı kobudluq.
7. Hər 2 komanda ötürmələrdə səhvə yol verir.
8. Popoviç az qala rəqibin qol vurmasına səbəbkar olacaqdı. Qapıçı ona ötürülən topu Boqdaniyə hədiyyə edəcəkdi. Lakin milliləşən ukraynalı son anda səhvini düzəltdi.
11. Televiziya ilə canlı yayımda problemlər yaranıb.
12. Aqolli Çertoqanovu zədələdi
13. İlk künc zərbəsi millimizdən gəldi.
15. Millimiz cüzi üstünlük əldə edib.
17. Aqollinin cərimə meydanına ötürməsinə qapıçımız hamıdan tez yetişdi.
22. Rəşadın ötürməsindən sonra Rauf Əliyev Albaniya millisini məyus etdi - 0:1.
28. Popoviç komandamızı qoldan xilas etdi.
31. Albaniya yığması təhlükəli cərimə zərbəsi vurdu. Top qapıdan yan keçdi.
33. Nadirovun zərbəsi tirin üstündən ötdü.
35. Bajayın zərbəsindən sonra Popoviç millimizi xilas etdi.
39. Vurğun Boqdaninin əlverişli zərbə mövqeyinə çıxmağa imkan vermədi.
44. Sadiqovun zərbəsi dəqiqi olmadı.
45. İlk yarı başa çatdı. Albaniya - Azərbaycan - 0:1.

46. ikinci hissə başladı.
47. Albaniyalılar fasilədən sonra oyuna aqressiv başladı. Popoviç ardıcıl 2 dəfə oyuna daxil oldu.
51. Albaniyalılar təzyiqi artırırlar. Abışov topu boş qapıdan çıxardı.
52. Bu dəfə də Popoviç yığmanı xilas etdi.
55. Yığmamızda ilk əvəzetmə. Railin yerinə Elnur Allahverdiyev meydana daxil oldu.
60. Albaniya yığması oyunu cərimə meydanımızın yaxınlığına gətirib.
61. Lokanın künc zərbəsindən sonra Levin topu boş qapıdan çıxardı.
64. Nadirov yerini Nizami Hacıyevə verdi.
70. Albaniya yığması hücumu gücləndirmək üçün ən fəallardan olub yorulan Bakayı Endi Vrapi ilə əvəzləyir.
73. Foqts Elşən Məmmədovu da meydana buraxdı. O, Subaşiçi əvəzlədi.
77. Sadiqov təhlükəli nöqtədə qaydanı pozub rəqibə cərimə zərbəsi hədiyyə etdi.
80. Hacıyev Dallkuya qarşı qaydanı pozdu.
81. Albanlar isə hesabı bərabərləşdirmək üçün əvəzetmələri sıralayır. Bu dəfə Emilian Vila Salihini əvəzlədi.
81. Qapımız ağzında qarışıqlıqda bəxtimiz gətirdi.
82. Yığmamızda isə Çertoqanov meydanı tərk etdi. O, yerini Rahid Əmirquliyevə verdi.
86. Rəqibin təhlükəli zərbəsi qapımızın yanından keçir. Komandamız böyük qüvvə ilə müdafiə olunub qələbə hesabını qorumağa çalışır.
87. Albanlar Boqdanini Kapilani ilə əvəzləyib oyunda dönüş yaratmağa çalışır.
90+2. Kpilaninin zərbəsi dəqiq olmadı.
Oyun millimizin qələbəsi ilə başa çatdı - 0:1.