Madriddə qol şousu, Trabzon qələbə görmədi

23.11.2011 - 01:38

Çempionlar Liqasında V turun oyunlarına start verilib. Apasport.az saytının məlumatına görə, Türkiyənin “Trabzonspor” klubu “İnter”ə yenə uduzmayıb.

Qrup mərhələsində ən yaxşı oyununu göstərən Trabzon təmsilçisi güclü rəqibinə evdə də qalib gəlməyə layiq olduğu halda, bu dəfə 2 xal itirib. Hər halda, “Lill”in MOİK-ə səfərdə qalib gəlməyi türklərin işinə yarayıb və turnir cədvəlində 2-ci pilləyə yüksəliblər.

İndi Şenol Günəşin çalışdırdığı komandanın 1/8 finala çıxmaq işi daha çox öz əlindədir. Belə ki, onlar son turda Fransada uduzmazsalar, böyük ölçüdə vəsiqəni qazanacaqlar. Çünki MOİK-in İtaliyada qalib gələcəyi real görünmür.

“İnter”lə yanaşı, “Bavariya”, “Benfika” 1/8 finala çıxmaqlarını rəsmiləşdiriblər. İlk 2 komanda qrup liderliyini də təmin edib. 1-ci yeri tutmağı hələ ötən tur rəsmiləşdirən “Real” Madriddə debütant Zaqreb “Dinamo”su ilə oyunda qol şousu göstərib.

22 noyabr

A qrupu

“Bavariya” – “Vilyarreal” - 3:1
Riberi, 2; 69; Qomes, 23 - de Quzman, 50
“Napoli” – “Mançester Siti” - 2:1
Kevani, 19; 49 - Balotelli, 33

“Bavariya”	5	4	1	0	11-4	13
“Napoli”	5	2	2	1	8-6	8
M.S.	5	2	1	2	7-6	7
“Vilyarreal”	5	0	0	5	2-12	0

B qrupu

MOİK - “Lill” - 0:2
Berezutski, 49 (avtoqol); Soy, 64
“Trabzonspor” – “İnter” - 1:1
Altıntop, 23 - Alvares, 18

“İnter”	5	3	1	1	7-5	10
“Trabzonspor”	5	1	3	1	3-5	6
“Lill”	5	1	2	2	6-6	5
MOİK	5	1	2	2	7-7	5

C qrupu

“Mançester Yunayted” – “Benfika” - 2:2
Berbatov, 30; Fletçer, 59 - Cons, 3 (avtoqol); Aymar, 61
“Otselul” – “Bazel” - 2:3
Curcu, 75; Antal, 81 - F. Fray, 10; A. Fray, 14; Ştreller, 37