1 nəfəsə 3 addım

09.12.2011 - 13:10

Premyer Liqanın XVI turu “Kəpəz” klubunun ölkə çempionatlarında yubiley qolu ilə əlamətdar ola bilər. Apasport.az saytının məlumatına görə, indiyədək çempionatda 797 qol vuran Gəncə təmsilçisi yubileyin 3 addımlığındadır.

Qərblilər bunun üçün Premyer Liqanın debütantı və autsayderi “Sumqayıt Şəhər”ə 3 qol vurmalıdır. Azərbaycanın ən məhsuldar klubu adına da iddia edən “Kəpəz”in həm tarixi boyu, həm də cari mövsüm məhsuldarlığı ilə seçildiyini nəzərə alsaq, 3 addımlıq məsafənin 1 nəfəsə qət olunması mümkün görünür.

Düzdür, 1000-ə 3 addımı qaldıqdan sonra yubileyini gündəmə gətirdiyimiz “Neftçi” bu 3 qolu 3 oyuna vurdu. Bakılılar yalnız ötən turun “Simurq”la matçında Araz Abdullayevin qolu sayəsində yubileyə imza atdı. “Kəpəz”in isə buna daha tez çatmasına rəqibin münasibliyi imkan verə bilər.

Qeyd edək ki, “Neftçi”, “Qarabağ” və “Turan”la müqayisədə bütün çempionatların deyil, 4 turnir az çıxış edən “Kəpəz” qol sayında yalnız “ağ-qaralar”dan geri qalır. Bu da onların orta məhsuldarlığının kifayət qədər yüksək olması ilə bağlıdır.

Mövsüm	Hansı adla	Mərhələ	oyun	Vurulan top*	Buraxılan top*	+:-	-:+	Vurub**	Buraxıb**
1992	Kəpəz (Gəncə)		36	88	28	4		76	28
1993	Kəpəz (Gəncə)	1-ci mərhələ	18	48	13	4		36	13
1993	Kəpəz (Gəncə)	pley-off	2	0	3		1	0	0
1993/94	Kəpəz (Gəncə)		30	80	28	2	1	74	25
1994/95	Kəpəz (Gəncə)		24	71	19	3		62	19
1995/96	Kəpəz (Gəncə)	1-ci mərhələ	20	74	20			74	20
1995/96	Kəpəz (Gəncə)	final mərhələsi	10	10	9			10	9
1996/97	Kəpəz (Gəncə)		30	59	26	1		56	26
1997/98	Kəpəz (Gəncə)		26	67	10	2		61	10
1998/99	Kəpəz (Gəncə)	1-ci mərhələ	26	77	17	1		74	17
1998/99	Kəpəz (Gəncə)	final mərhələsi	10	17	7			17	7
1999/2000	Kəpəz (Gəncə)		22	46	24		1	46	21
2000/01	Kəpəz (Gəncə)		20	34	29	2		28	29
2001/02	Kəpəz (Gəncə)	1-ci mərhələ	22	39	31			39	31
2001/02	Kəpəz (Gəncə)	final mərhələsi	4	4	4			4	4
2003/04	Kəpəz (Gəncə)		26	22	45	1	1	19	42
2004/05	Gəncə		34	37	37	1		34	37
2005/06	Gəncə		26	35	46			35	46
2010/11	Gəncə		32	33	37			33	37
2011/12	Kəpəz (Gəncə)		15	19	24			19	24
CƏMİ			433	860	457	21	4	797	445