Milli komandanın kapitanı həbs edildi

13.12.2011 - 16:10

Estoniya yığmasının kapitanı Rayo Piyroya həbs olunub. Apasport.az saytının məlumatına görə, Norveç polisi bu gün səhər “Fredriksrad” klubunda axtarış apararaq, oranın 2 əməkdaşını saxlayıb.

Bunlardan biri həmin komandanın futbolçusu Rayodur və o, vergidən yayınmaqda ittiham olunur. Axtarış da şübhəli şəxslərin dindirilməyi ilə bağlıdır. Əvvəllər Piyroya bildirib ki, Norveç hökuməti ona heç bir şübhə və ittiham irəli sürməyib. Bununla baxmayaraq, artıq 7 ildir Norveçdə çıxış edən müdafiəçinin mülkü müsadirə olunub. Onu 6 illik həbs gözləyir.

Qeyd edək ki, Rayo ölkəmizdə oynamış Dmitri Kruqlovla uzun illərdir yığmada komanda yoldaşıdır.