“Qarabağ” Quzanlıya son oyununa gedir

14.12.2011 - 10:33

“Qarabağ” bu gün Ağdama yollanır. Apasport.az-ın klubun rəsmi saytına istinadən məlumatına görə, 20 günlük fasilədən sonra komanda Premyer Liqanın növbəti turunu oynamaq üçün Quzanlıya gedir.

İlin son ev oyununda “Rəvan”ı qəbul edəcək Qurban Qurbanovun yetirmələri artıq Bakı hazırlıqlarını tamamlayıb. Günorta yeməyindən sonra yola çıxacaq komanda axşam dincələk, sabah isə 1 saatlıq qısa məşqə çıxacaq.

Qeyd edək ki, debütantla oyunöncəsi “Qarabağ”da zədəli yoxdur. Amma “Xəzər Lənkəran”la oyunda 4-cü sarı vərəqəsini alan Leonardo Roşa “sarı-qırmızı”lılarla oyunu buraxmalı olacaq. İlqar Qurbanov və Maksim Medvedevin yüngül zədələri olsa da, durumları ciddi deyil. Onların oynamaması üçün heç bir səbəb yoxdu.

“Qarabağ” – “Rəvan” oyunu dekabrın 16-da saat 14:00-da keçiriləcək.