Yığmamızın 4-cü sınağı

14.12.2011 - 12:27

Sabah Azərbaycan milli komandası futzal üzrə DÇ-2012-nin seçmə mərhələsində mübarizəyə başlayacaq. Apasport.az saytının məlumatına görə, Avropa zonasının Bakıda keçiriləcək V qrupunun oyunlarında çıxış edəcək yığmamız tarixində 4-cü dəfə mundiala vəsiqə üçün yarışacaq. İlk 3 dünya çempionatından kənarda qalan yığmamız ardıcıl 4-cü dəfə buna cəhd edəcək. Xorvatiya, Kipr və Çexiyadakı seçmə mərhələlərdə uğursuz çıxış edən millimiz istəyini doğma divarlar arasında gerçəkləşdirməyə çalışacaq. Son 2 cəhddə qrup 2-cisi olan yığmamız bu dəfə həmin nəticəni təkrarlamaqla da pley-offa yüksələcək. Lakin belə olan halda həmin mərhələdə digər 6 qrupdan birinin qalibi ilə üz-üzə gələcək. Bu üzdən 1-ci yeri hədəfləyən millimiz Makedoniya, Xorvatiya və Ukrayna ilə mübarizədə qalib gəlməyə çalışacaq.

N	il	bizimkilər	KOMANDA	YER	O	Q	H	M	TOP	X
1	1989	iştirak etməmişik	-	-	-	-	-	-	-	-
2	1992	iştirak etməmişik	-	-	-	-	-	-	-	-
3	1996	iştirak etməmişik	-	-	-	-	-	-	-	-
4	2000	seçmə mərhələ (Xorvatiya), IV qrup	5	III	4	1	1	2	19-22	4
5	2004	seçmə mərhələ (Kipr), VII qrup	3	II	2	0	1	1	5-10	1
6	2008	seçmə mərhələ (Çexiya), VI qrup	4	II	3	2	0	1	15-6	6
7	2012	seçmə mərhələ (Azərbaycan), V qrup