Premyer Liqanın XVII turunda Azərbaycan çempionatlarında 150-ci matçına çıxacaq Fabio Luis Ramim buna nail olacaq 5-ci legioner kimi tarixə düşəcək. Apasport.az saytının məlumatına görə, “Bakı”nın braziliyalı yarımmüdafiəçisinə qədər artıq 4 əcnəbi bu rəqəmi arxada qoyub.

Milliləşənlər də nəzərə alınmaqla, fəth olunan “150”ni 2 ukraynalı (Aleksandr Çertoqanov və Vladimir Levin), 1 gürcüstanlı (Georgi Adamiya) və 1 nigeriyalı (Usim Nduka) keçib. Avropanın 3, Afrikanın 1 təmsilçisindən sonra bunu bacaracaq Fabio ilk cənubi amerikalı olacaq ki, 2-ci yüzlüyü yarılayır.

Maraqlıdır ki, ölkəmizdə ən çox oyun keçirən bu 5 legioner indi də karyerasını klublarımızda davam etdirir.

Azərbaycan çempionatında ən çox oyun keçirən legionerlər

Georgi Adamiya	177
Aleksandr Çertoqanov	174
Usim Nduka	167
Vladimir Levin	162
Fabio Luis Ramim	149

• “Fənərbaxça”dan müdafiəyə yeni həmlə – Adil Demirbağ üçün rəsmi təklif
• “Roma” Ostervolde "dəftərini bağlamayıb" – Yanvarı gözləyirlər
• “Bordo” həvəskar liqaya düşürüldü – Klub qərardan şikayət edəcək
• İstanbul derbisinin hakimi bəlli oldu – “Fənərbaxça” – “Beşiktaş” matçı Melerə tapşırıldı
• Markos Lyorente İspaniya millisində karyerasını başa vurdu