“Volqa”nın azərbaycanlı hücumçusu Vaqif Cavadov Rusiya Premyer Liqasında 2011-ci ilin ən yaxşı futbolçusu ilə bağlı keçirilən sorğuda iştirak edib. Apasport.az saytının məlumatına görə, nüfuzlu “Sport-Ekspress” qəzeti Premyer Liqanın 16 iştirakçısının hər birindən meydanda olanların sayı qədər, yəni 11 futbolçunun fikirlərini öyrənib. “Volqa”nın “11-liy”i arasında yer alan 22 yaşlı hücumçumuz həmkarı Seydu Dumbiyanı (MOİK) 1-ci, Rusiya vətəndaşlığını daşıyan soydaşı Aleksandr Səmədovu 2-ci, “Dinamo”nun digər futbolçusu Andrey Voronini 3-cü yerdə göstərib.

Fil Dişi Sahili yığmasının da üzvü olan Seydu 288-ci xalla 1-ci olduğundan, Vaqifin qalibi düz tapdığını deyə bilərik. Onun 3-cü saydığı Voronin 190 xalla 2-ci olub. 3-cü yeri “Zenit”in və Portuqaliya millisinin yarımmüdafiəçisi Danni 119 xalla tutub.

Səsvermədə 8-ci olan Səmədov 21 xal toplayıb. Onu yalnız 1 futbolçu 1-ci yerdə göstərib ki, bu, Ukrayna yığmasının da üzvü olan komanda yoldaşı Voronindir. Aleksandr isə sorğuda Andreyi 1-ci, Dumbiyanı 2-ci, “Dinamo”da birgə oynadığı İqor Semşovu 3-cü yerdə göstərib.

• “Everton” malili futbolçu ilə yollarını ayıracaq
• “Qalatasaray”ın sabiq üzvü I Liqa klubunu tərk edib
• Dünya çempionu “Yunayted” və “Atletiko”nun radarında
• İspaniyalı futbolçu karyerasını başa vuracaq
• Yamal “Barselona”nın yeni “10 nömrəsi” olacaq