Bu il Tailandda keçiriləcək futzal üzrə dünya çempionatının seçmə mərhələsinin Avropa zonası üzrə pley-off matçlarına start verilib. Apasport.az saytının məlumatına görə, mundiala 7 vəsiqə uğrunda baş tutacaq eyni sayda cütlərdən 4-də ilk oyunlar baş tutub. Portuqaliya Belarus, İspaniya Slovakiya ilə səfər matçlarında müvafiq olaraq 7:1 və 4:0 hesablı qələbələrlə cütün taleyini demək olar ki, artıq indidən həll edib. Sloveniya – Çexiya (2:0) və Macarıstan – Serbiya (1:0) görüşlərində isə meydan sahibləri çətin qələbə qazandığından mundial iştirakçısının adına cavab görüşü aydınlıq gətirəcək.

Qeyd edək ki, bu gün Azərbaycan – Rusiya, Rumıniya – Ukrayna, sabah isə Norveç – İtaliya matçı keçiriləcək. Cavab oyunları isə aprelin 8-11-də baş tutacaq.

• DÇ-də parladı, yeni klubu bəlli oldu
• Eberl transfer planını açıqladı – "Bavariya"da ayrılıqlar olacaq
• “Çelsi” Teo Hernandez üçün hərəkətə keçdi
• “Qarabağ”ın sabiq qapıçısı “Göztəpə”də – Rəsmi
• “Qaziantep”in transfer qadağası ləğv edildi