MTK Azərbaycan klublarına rəqib oldu

29.05.2012 - 08:37

Avropa Liqasına I təsnifat mərhələsindən başlayacaq klubların siyahısı genişlənib. Apasport.az saytının məlumatına görə, turnirə vəsiqə qazanan daha 3 komandanın müəyyənləşməsi püşkatma zamanı istifadə olunacaq səbətlərin tərkibinə də təsir edib.

Çernoqoriyanın “Rudar”, Gürcüstanın “Olimpi” və Macarıstanın “Honved” klubları səpələnmişlər sırasına daxil olub. Yarışa vəsiqəni əvvəldən qazanan Macarıstanın digər təmsilçisi MTK isə səpələnməmişlər səbətinə düşüb. Bununla da onlar yarışdakı Azərbaycan təmsilçiləri “Bakı”, “Xəzər Lənkəran” və “İnter”in potensial rəqibi olublar. Beləliklə təmsilçilərimizin 37 potensial rəqibindən 36-sı artıq məlumdur. Yalnız San-Marino klubunun adı hələlik qeyri-müəyyəndir.

I təsnifat mərhələsi

Səpələnmişlər: “Tvente” (Hollandiya), “Lex” (Polşa), “Rusenborq” (Norveç), “Elfsborq”, “Kalmar” (hər ikisi İsveç), “Aktobe” (Qazaxıstan), “Sent Patriks”, “Bohemians” (hər ikisi İrlandiya), “Bakı”, “İnter”, “Xəzər Lənkəran” (hamısı Azərbaycan), “Qomel” (Belarus), “Hafnarfyordur” (İslandiya), “Pünik” (Ermənitan), “Metallurq” (Latviya), “Banqor Siti” (Uels), “Suduva” (Litva), “Tirana”, “Şkendiya” (hər ikisi Albaniya), “Stabek” (Norveç), “Renova” (Makedoniya), “Osiyek” (Xorvatiya), “Levadiya” (Estoniya), “MyuPA”, “Kuopio” (hər ikisi Finlandiya), “Senisa” (Slovakiya), “Daçiya” (Moldova), “Borats”, “Sarayevo” (hər ikisi Bosniya və Herseqovina), “Differdanj” (Lüksemburq), “Yaqodina” (Serbiya), “Birkirkara” (Malta), “Streymur” (Farer adaları), “Olimpiya” (Sloveniya), “Rudar” (Çernoqoriya), “Honved” (Macarıstan), “Olimpi” (Gürcüstan)

Səpələnməmişlər: “Zimbru” (Moldova), “Flyamurtari” (Albaniya), “Yuvaskulya” (Finlandiya), “Kliftonvill”, “Kruzaders”, “Portadaun” (hamısı Şimali İrlandiya), “Santa Koloma” (Andorra), “Dauqava” (Latviya), “Trans”, “Kalyu” (hər ikisi Estoniya), “Vestmannaeyar”, “Akyureyri” (hər ikisi İslandiya), “Floriana”, “Hibernian” (hər ikisi Malta), “Ordabası”, “Jetısu” (hər ikisi Qazaxıstan), “Runavik”, “Vikinqur” (hər ikisi Farer adaları), “Qandzasar”, “Şirak” (hər ikisi Ermənistan), “Llanelli”, “Kefn Druids” (hər ikisi Uels), “Selye” (Sloveniya), “Jeness”, “Qrevenmaxer” (Lüksemburq), “Teuta” (Albaniya), “La Fiorita” (San Marino), “Zeta”, “Selik” (hər ikisi Çernoqoriya), “Mura” (Sloveniya), “Torpedo” (Gürcüstan), “Eşen Mauren” (Lixtenşteyn), “Şaulyay” (Litva), , “Skonto” (Latviya), “Metallurq” (Makedoniya), MTK (Macarıstan), San-Marino təmsilçisi