Zaqatalanın “Simurq" klubu təlim-məşq toplanışının birinci hissəsini başa vurmaq üzrədir. Apasport.az saytının məlumatına görə, iyunun 15-dən bir araya gələn və ertəsi gündən məşqlərə başlayan Zaqatala təmsilçisi gündə iki dəfə olmaqla hazırlıq prosesini davam etdirir. Əsasən fiziki hazırlıq üzərində çalışan Georgi Çixradzenin yetirmələri iyunun 22-dək təlim-məşq toplanışını davam etdirəcək.

Bir günlük istirahətdən sonra "Simurq" hazırlığın ikinci mərhələsi üçün Türkiyəyə yollanacaq. İyulun 6-na qədər Kartəpə istirahət zonasında qalacaq komanda burada 3 yoldaşlıq görüşü keçirdəcək. Hələlik rəqiblərin kim olacağı müəyyənləşməsə də, baş məşqçi Georgi Çixradze burada bir çox yerli və legioner futbolçuları baxışdan keçirdəcək. Daha sonra vətənə qayıtmağı planlaşdıran komandamız hazırlığın növbəti mərhələsini Zaqatalada davam etdirəcək.

• Premyer Liqa yolu: "Hull Siti"dən bərabərlik
• Valverde və Çuameni barışdı: Cəriməsiz ötüşmədi
• Sara mövsümü erkən başa vurdu
• "Trabzonspor"un müdafiəçisi əməliyyat olunub
• Dambrauskas və Sadıqov finalöncəsi PFL-in suallarını cavablandırıb - VİDEO