Avropa Liqası oyunlarına hazırlığı Sloveniyada davam etdirən "Bakı" daha bir transfer rəsmiləşdirib. Apasport.az-ın klubun rəsmi saytına istinadən məlumatına görə, Gürcüstan milli komandasının üzvü Giorgi Popxadze ilə 1 iilik müqavilə imzalanıb.

Popxadze 1986-cı il oktyabrın 25-də anadan olub. Boyu 182 sm, çəkisi 80 kiloqramdır.

26 yaşlı gürcü müdafiənin mərkəzi və sol cinahında çıxış edir. Peşəkar karyerasına 17 yaşında Tbilisi “Dinamo”sunda başlayan Popxadze 5 il Danimarkanın “Vıborq” klubunda forma geyib. Daha sonra qısa müddətə yenidən vətəninə dönən və “Zestafoni”nin şərəfini qoruyan təcrübəli futbolçunun son klubu Avstriya “Şturm”u olub.

Popxadze son mövsüm Avstriya klubunun heyətində Avropa Liqasının qrup mərhələsində 5 oyunun iştirakçısı olub. Giorgi Gürcüstan millisinin heyətində 8 oyun keçirib. Popxadze son dəfə milli komanda formasını 3 həftə əvvəl Türkiyəyə qarşı yoldaşlıq görüşündə geyib.

• Premyer Liqa yolu: "Hull Siti"dən bərabərlik
• Valverde və Çuameni barışdı: Cəriməsiz ötüşmədi
• Sara mövsümü erkən başa vurdu
• "Trabzonspor"un müdafiəçisi əməliyyat olunub
• Dambrauskas və Sadıqov finalöncəsi PFL-in suallarını cavablandırıb - VİDEO