Avroliqada 2012/13 mövsümünə start verilib. Apasport.az saytının məlumatına görə, Azərbaycan klublarından “Xəzər Lənkəran”, “İnter” və “Bakı”nın qatılacağı turnirin ilk oyunları meydan sahibləri üçün uğursuz olub. Belə ki, “Vikinqur”la “Şkendiya” evdə nəinki qalib gələ, qol da vura bilməyib.

Farer adaları təmsilçiləri üçün ümumiyyətlə, start çox pis alınıb. Belə ki, komanda “Qomel”dən 6 cavabsız top buraxıb. Düzdür, ilk hissədə qolsuz bərabərlik olduğundan, heç kim sonda belə nəticənin qeydə alınacağını gözləməzdi. Ancaq “Arsenal” və “Barselona”nın sabiq futbolçusu Aleksandr Qlebin qardaşı Vyaçeslav Qlebin 2 dəqiqəyə etdiyi dublla darmadağın əsası qoyulur. Fasiləyə kimi qol vura bilməyən belaruslular 2-ci hissədə 27 dəqiqəyə rəqib qapısına 6 dəfə yol tapmaqla, növbəti mərhələyə vəsiqəni artıq təmin edib.

3 iyul

Avroliqa, I təsnifat mərhələsi
İlk oyunlar

“Vikinqur” (Farer adaları) – “Qomel” (Belarus) – 0:6
V. Qleb, 53, 55, Voronkov, 57, Aleksiyeviç, 58, Kaşevski, 69, Levitski, 80

“Şkendiya” (Makedoniya) – “Portadaun” (Şimali İrlandiya) – 0:0

• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb
• “Sent-Etyen”in baş məşqçisi bəlli olub
• Türkiyə Kubokunda püşk atıldı - "Fənərbaxça"nın adı var, amma...