“Rəqibimizin heç də asan komanda olduğunu düşünmürəm. Təbii ki, onlar Lənkərana yaxşı nəticə üçün gəliblər”. Bunu apasport.az saytına açıqlamasında “Xəzər Lənkəran”ın kapitanı Rahid Əmirquliyev deyib.

“Xəzər Lənkəran” bu gün Avropa Liqasının I təsnifat mərhələsində ilk oyununa çıxacaq. “Ağ-yaşıllar” doğma arenada Estoniyanın “Nomme Kalyu” klubunu qəbul edəcək.

Qarşılaşma barədə fikirlərini bildirən kapitan rəqibin keçilməz olmadığını söyləyib: “Rəqib dişimizə görədi. Biz nə yolla olursa-olsun, bu günkü dueldən qalib ayrılmalıyıq. Buna gücümüz də çatar. İnşallah, matçın sonunda sevinən tərəf biz olarıq”.

“Xəzər Lənkəran” azarkeşlərinin ölkədə ən yaxşılardan olduğunu deyən Əmirquliyev onlara da səslənib: “Hamı bilir ki, bu gün Azərbaycanda ən yaxşı azarkeş dəstəyi bizim komandaya verilir. Bir kapitan kimi üzümü onlara tutub deyirəm ki, son dəqiqəyədək sevimli komandalarını dəstəkləsinlər. Ümid edirik ki, nəticə fanatlarımızın ürəyincə olacaq”.

• Dzeko “1000”i geridə qoyub
• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"