“Neftçi” Azərbaycanı Moldovadan geri saldı

25.07.2012 - 10:14

UEFA-nın 2008-13-cü illəri əhatə edən reytinq siyahısında dəyişikliklər olub. Apasport.az saytının məlumatına görə, 2012/13 mövsümünün Çempionlar Liqasının II təsnifat mərhələsinin baş tutan cavab oyunlarından sonra UEFA ölkələri xal hesablarını dəyişə bilib.

Son 5 mövsümü əhatə edən reytinqə Azərbaycan da hesabına daha 0,125 xal əlavə edib. Bu, “Neftçi”nin “Zestafoni” ilə Gürcüstanda heç-heçə etməsi sayəsində mümkün olub. Bakılıların qələbə qazana bilməməsi ölkəmizin Moldova ilə şərikliyinə son qoyub. Belə ki, moldovalılar “Şerif”in qələbəsi sayəsində 34-cü yerin vahid sahibi olub.

Bununla da cari mövsüm yığılan xallarımızın sayı 1,625-ə çatdı. Bunun ən böyük hissəsi – 0,675-i “İnter”ın payına düşür. “Xəzər Lənkəran” 0,500, “Neftçi” 0,375, “Bakı” isə cəmi 0,125 xal qazanıb.

UEFA reytinqinin 4-cü onluğu

31	Finlandiya	8.208
32	Sloveniya	8.0833
33	Bosniya-Herseqovina	7.333
34	Moldova	7.291
35	Azərbaycan	7.166
36	İrlandiya	7.000
37	Litva	6.500
38	Qazaxıstan	5.708
39	Latviya	5.541
40	İslandiya	5.416