“Azərbaycanı düzgün qiymətləndirməməkdən söhbət gedə bilməz”

13.10.2012 - 14:00

“Bütün futbolçular nə etdiklərini yaxşı bilirlər”. Apasport.az saytının məlumatına görə, bu sözləri DÇ-2014-ün seçmə mərhələsində Azərbaycan millisinin rəqibi olan Rusiya yığmasın hücumçusu Aleksandr Kerjakov deyib.

Portuqaliyanın qapısına qələbə qolunu vuran futbolçu yığmamızı lazımınca qiymətləndirdiklərini bildirib: “Komandamızda çox ağıllı futbolçular cəmləşib. Buna görə də, Azərbaycan yığmasını düzgün qiymətləndirməməkdən, arxayınlıqdan söhbət belə gedə bilməz”.

Qeyd edək ki, Rusiya – Azərbaycan matçı oktyabrın 16-da 20:00-da “Lujniki”də baş tutacaq.