"Liverpul" rəhbərliyi yaxın vaxtda komandanın sabiq baş məşqçisi Kenni Dalqlişə yeni vəzifə təklif etməyi planlaşdırır. Apasport.az saytının “BBC”ə istinad məlumatına görə, o, kluba məşqçi kimi deyil, idarə heyətinin üzvü kimi dəvət ediləcək.

Hətta "Liverpul"un hazırkı çalışdırıcısı Brendan Rocers də rəhbərliyin bu fikrini bəyənib. Lakin hələ ingilis komandasının sahibləri şotlandiyalı mütəxəssislə görüşməyib. 61 yaşlı çalışdırıcının bu təkliflə razılaşıb-razılaşmayacağı isə maraqla gözlənilir.

Qeyd edək ki, Kenni Dalqliş 1977-1990-cı illərdə "Liverpul"un heyətində futbolçu kimi çıxış edib. O, daha sonra iki dəfə (1985-1991, 2011-2012) bu klubun baş məşqçi vəzifəsində işləyib.

• DÇ-2026: ALMANİYA MİLLİSİNİN HEYƏTİ AÇIQLANDI
• "Arsenal"dan yeni transfer həmləsi
• "Benfika" Mourinyonun əvəzedicisini tapdı
• Zaniolo A Seriyasında qalacaq
• Super Liqa klubunda yeni müqavilə - RƏSMİ