“Hazırda Portuqaliyanın paytaxtı Lissabondayıq. Baş məşqçimiz Ramiz Məmmədovla birgə bura bəzi futbolçuları izləməyə gəlmişik”. Bunu apasport.az saytına açıqlamasında “Qəbələ”nin baş meneceri Zaur Əzizov deyib.

“Qəbələ” rəsmiləri bu gün saat 00:00-da Primeyra Liqa çərçivəsində baş tutacaq “Sportinq” – “Beyra-Mar” oyununu tribunadan izləyəcək. Məqsəd bəzi futbolçuların hazırkı durumunu canlı şəkildə görməkdir: “Qonaq komanda olacaq “Beyra-Mar”da diqqət mərkəzində saxladığımız 2-3 futbolçu var. Onlar əsasən yarımmüdafiə xəttində çıxış edir. İstəyirik ki, həmin oyunçuların durumuna canlı şəkildə nəzər salaq. Əgər xoşumuza gəlsələr, futbolçularla danışıqlar aparmağa çalışacağıq”.

Qeyd edək ki, “Beyra-Mar” Aveyru şəhərinin təmsilçisidir və hazırda çempionatda 11-ci pillədə məskunlaşıb. Klubun sahibi iranlı biznesmen Məcid Pişyardır.

Səbuhi TOFİQOĞLU

• Qvardiola "Siti"dən ayrılacağını açıqladı: "SƏBƏBİNİ SORUŞMAYIN"
• DÇ-2026: İngiltərə millisinin heyəti açıqlandı
• 38 yaşlı futbolçu "Latsio"dan ayrılacaq - RƏSMİ
• DÇ-2026: CAR millisinin heyəti bəlli oldu
• Dursun Özbek İkardi sualına əsəbiləşdi: “Buna heç kimin haqqı çatmır”