Kamerun futbolunun canlı əfsanəsi Samuel Eto’O ölümlə hədələnib. Apasport.az saytının məlumatına görə, milli komandasının kapitanı Kamerun Futbol Federasiyası (KFF) ilə bağlı şok açıqlama ilə diqqət mərkəzinə düşüb.

Belə ki, “Anji”də də kapitanlıq sarğısını daşıyan Samuel ölkəsinin ali futbol qurumunun liderlərindən ölüm təhdidləri aldığını söyləyib. Bu zaman özünü zəhərləyəcəyini düşünən 32 yaşlı futbolçu baş verənlərə görə qorunmağa ehtiyacının olduğunu bildirib. O, evində rahatlıq tapmaq üçün mühafizəçilər tutub.

Qeyd edək ki, 2011-ci ildə milli futbolçularına ödənməyən mükafatlar üzündən komanda yoldaşları ilə birgə üsyan edən Eto’O KFF tərəfindən 15 oyunluq cəzalandırılıb. Ardından cəzası 8 oyunluq azaldılan hücumçu yığmadan dəvəti yenidən geri çevirib. O, millinin həvəskar və pis rəhbərlər tərəfindən idarə edildiyini sayır.

• Əvəzedicilər Liqası: XXXVI turun oyun cədvəli
• Mertens İtaliyaya qayıtmaq istəyir
• "Mançester Yunayted" Türkiyə millisinin üzvü ilə yolları ayırır
• Vaskes "Real"dan ayrılır
• "Qalatasaray"la "Yuventus" arasında Osimhen savaşı – 65 milyonluq transfer