Topaz Premyer Liqasının XIX turu çərçivəsində “Turan”ı 2:0 hesabı ilə məğlub edən “Rəvan” həm uğursuz seriyalara son qoyub, həm də 2 yubiley qeyd edib. Apasport.az saytının məlumatına görə, “uçan aslanlar” Tovuz təmsilçisini üstələməklə ardıcıl 5 məğlubiyyətdən sonra qələbə əldə edib.

Bu həm də 82 günlük həsrətin sonu olub. Axı “Rəvan” buna qədər son qələbəsini ötən il noyabrın 19-da AZAL-ı 1:0 hesabı ilə məğlub etməklə qazanmışdı.

Yubileylərə gəlincə, paytaxt klubu son turdakı qələbə ilə Premyer Liqada 15-ci zəfərinə nail olub. Üstəlik, əldə edilən 3 xalla “Rəvan”ın Premyer Liqada topladığı xalların sayı 60-a çatıb.

Qeyd edək ki, “Rəvan” 8-ci pillədə başa vurduğu ötən mövsümdə 10 qələbə qazanmış və 41 xal toplamışdı.

• Veteran qolkiper dünyasını dəyişib
• İtaliyalı qolkiper ÇL-də həftənin oyunçusu seçilib
• Fatih Tekkenin müqaviləsinin detalları açıqlanıb
• "Yuventus" Mottanı həmyerlisi ilə əvəzləyəcək
• ÇL: 1/4 finalın vaxtları açıqlanıb