“İnter”də derbi öncəsi daha bir itki

22.02.2013 - 23:27

İtaliya “İnter”i daha bir futbolçusunu itirib. Apasport.az saytının məlumatına görə, Milan təmsilçisi Avropa Liqasının 1/16 final mərhələsinin cavab oyun günündə səfərdə ÇFR-lə (3:0) qarşılaşmada müdafiəçisi Andrea Ranokkya zədələnərək sıradan çıxıb.

Gənc futbolçunun zədəsinin ciddi olduğu və A seriyasının 26-cı turunda “İnter”in əzəli rəqibi “Milan”la oyunda meydana çıxmayacağı müəyyənləşib.

Qeyd edək ki, “İnter”də Matias Silvestre, Dieqo Milito və Coel Obi də zədəli olduğu üçün Milan derbisində forma geyinə bilməyəcək.