Foqtsun 25-ə çatmayan “25-liy”i

13.03.2013 - 12:33

Azərbaycan millisi 2013-cü ildə keçirəcəyi ilk seçmə oyunlarının hazırlıqlarına 25 futbolçu ilə start verib. Apasport.az saytının məlumatına görə, martın 22-də Lüksemburq, 4 gün sonra Portuqaliya ilə qarşılaşacaq yığmamızda orta yaş həddi müəyyənləşib.

Berti Foqtsun bu 2 qarşılaşmada güvənəcəyi “25-liy”i hələ 25 yaşa çatmayıb. Millimizin hazırkı orta yaşı 24 il 298 gündür. Hazırlıqlara qatılan və onlara qoşulacaq oyunçuların 12-si bu orta yaş həddindən böyük, 13-ü isə kiçikdir.

Hazırda yığmada ən gənc 20 yaş 74 günlük Elhad Nəziridir. Ən təcrübəli isə 30 yaş 270 günlük Rəşad Sadıqovdur.