Bakıda keçiriləcək ənənəvi Caspian Cup beynəlxalq turnirinin vaxtı və formatı dəqiqləşib. Apasport.az saytının məlumatına görə, AFFA-nın təşkilatçılığı ilə 17 yaşadək futbolçulardan ibarət yığma komandalar arasında baş tutacaq sayca III yarış mayın 28-də start götürəcək. Turnirə iyunun 6-da yekun vurulacaq.

1997-ci ildən böyük olmayan futbolçuların yarışı əvvəlki 2 yarışdan fərqlənəcək. Belə ki, tarixdə ilk dəfə Caspian Cyp 12 komandanın iştirakı ilə keçiriləcək. 2011 və 2012-ci illərdə keçirilən yarışlarda bu rəqəm 8-ə bərabər idi.

İştirakçıların sayını artıran AFFA formatı da fərqli edib. Bu dəfə komandalar 4 qrupda mübarizə aparacaq. 3 komandalı qrupların hərəsində ilk 2 yeri tutanlar 1/4 finala yüksələcək.

Qeyd edək ki, artıq Caspian Cup turnirinin püşkü də atılıb. Azərbaycan milli komandası A qrupunda Qırğızıstan və ABŞ yığmaları ilə görüşəcək.

• Bundesliqa klubundan 2 yeni transfer - FOTO
• Dünya çempionu Fransa klubunda
• “Tottenhem”dən “Yuventus”a - Rəsmi
• Seneqal millisinin yeni baş məşqçisi bəlli oldu
• "Napoli"də yeni müqavilə: UZUNMÜDDƏTLİ SÖZLƏŞMƏ