Topaz Premyer Liqasının XXV turu “İnter”in milliləşən legioner futbolçusu Vladimir Levin üçün əlamətdar olub. Apasport.az-ın PFL-in rəsmi saytına istinadən məlumatına görə, klubun adını dəyişdiyi 2004-cü ildən komandanın şərəfini qoruyan ukraynalı Azərbaycan çempionatında 200-cü matçına çıxıb. Bununla, müdafiəçi “İnter”in tarixində 200 oyun keçirən ilk futbolçu olub.

mövsüm	oyun	qol
2004/05	27	1
2005/06	26	2
2006/07	22	2
2007/08	12	-
2008/09	10	1
2009/10	30	1
2010/11	23	1
2011/12	27	2
2012/13	23	2
cəmi	200	12

Levin Azərbaycan çempionatlarında 200 matç səddini aşan 3-cü legioner olub. Ona qədər milliləşən əcnəbilər Aleksandr Çertoqanov və Usim Nduka bunu bacarmışdı. Hazırda “Qəbələ”də çıxış edən Çertoqanov çempionatda 205, AZAL-ın müdafiəçisi Nduka isə 204 matça çıxıb.

Əcnəbilər arasında oyun sayına görə 3-cü olan Vladimir də Usim kimi bütün matçlarını 1 komandada keçirib. Ukraynalı Azərbaycan çempionatları tarixində 1 klubun heyətində 200 və daha çox oyun keçirən 2-ci legionerdir.

Bu 2 əcnəbidən başqa daha 10 futbolçu ölkə çempionatında 1 klubda 200 və daha çox oynayıb. Həmin futbolçular karyerasını bitirmiş yerli oyunçulardır.

Komandasına ən azı 200 oyunluq müddətdə sadiq qalan 12 futbolçudan 8-i “Turan”la “Qarabağ”ın payına düşür. Onların hərəsində 4 belə futbolçu var. “Viləş” 2 belə üzvü ilə seçilir. AZAL və “İnter”in rekordçuları isə yalnız bu il siyahıya daxil olub.

Aslan Kərimov	Qarabağ (Ağdam)	268
Sakit Alıyev	Turan (Tovuz)	248
Müşfiq Hüseynov	Qarabağ (Ağdam)	244
Nizami Sadıqov	Turan (Tovuz)	237
Səttar Əliyev	Qarabağ (Ağdam)	230
Yaşar Hüseynov	Qarabağ (Ağdam)	226
Müşfiq Vəliyev	Viləş (Masallı)	221
Alay Bəhramov	Viləş (Masallı)	220
Eltay Aslanov	Turan (Tovuz)	208
Nadir Nəbiyev	Turan (Tovuz)	204
Usim Nduka	AZAL	204
Vladimir Levin	İnter (Bakı)	200

• Günün canlı yayımlanacaq matçları - TV AFİŞA
• FFF İnfantinoya “yox” deyəcək
• Musiala yenə huşunu itirdi – 4 gün ərzində ikinci dəfə
• Nkunku “Milan”dan ayrılır?
• Rodri rəsmən “Barselona”da