“Lokomotiv”in heyətində çıxış edən əslən azərbaycanlı futbolçu Aleksandr Səmədov sərt cəzalandırılıb. Apasport.az saytının məlumatına görə, buna 28 yaşlı yarımmüdafiəçinin Rusiya Premyer Liqasının XXIII turu çərçivəsində “Terek”lə (1:1) qarşılaşması zamanı ehtiyat hakimi söyməsi səbəb olub.

Aprelin 6-da baş tutan görüşdə futbolçuya həmin vaxt heç bir cəza verilməyib. Hazırda isə Rusiya Futbol İttifaqının İntizam Komitəsi Səmədovu 3 oyunluq cəzalandırıb.

Belə ki, Aleksandr Premyer Liqanın aprelin 13-də “Zenit”lə, aprelin 20-də “Kuban”la, aprelin 27-də isə “Rostov”la qarşılaşmaları buraxacaq. Həmçinin İntizam Komitəsi ona, 100 min rubl (təqribən 2400 manat) cərimə də kəsib.

Qeyd edək ki, Səmədov bu mövsüm “Lokomotiv”in heyətində 23 matçda forma geyinib. Lakin o, heç bir görüşdə qol vurmağı bacarmayıb.

• “Mançester Yunayted” Balebaya yaxınlaşdı – 65 milyon funtluq təklif
• “Napoli” İtaliya millisinin müdafiəçisini transfer etdi
• “Monako” Poqba ilə müqaviləyə XİTAM VERDİ
• “Aston Villa”dan iki transfer - RƏSMİ
• Günün canlı yayımlanacaq matçları - TV AFİŞA